ԱԺ «Բարգավաճ Հայաստան» խմբակցության ներկայացուցիչ Նաիրա Զոհրաբյանը խորհրդարանական ճեպազրույցների ժամանակ գնահատական տալով նախագահ Սերժ Սարգսյանի պաշտոնավարման երկու տարիներին՝ դրանք բաժանելով երկու՝ ներքին և արտաքին քաղաքական մասերի՝ ասել է.

-Արտաքին քաղաքականում շատ կարևոր եմ համարում նախագահի նախաձեռնությունները, հատկապես հայ-թուրքական գործընթացը բնականոն հունի մեջ դնելու նախաձեռնությունը։ Լուրջ քաղաքական կամք էր պետք սկսելու այդ գործընթացը։ Կարելի էր դա չանել և այդ բեռը թողնել հաջորդ սերունդների վրա, բայց մենք հասկանում ենք, որ ապրում ենք 21-րդ դարում և պիտի առաջնորդվենք  21-րդ դարի խաղի կանոններով։

Ինչ վերաբերում է ներքաղաքական գործընթացներին, ապա, ըստ Ն. Զոհրաբյանի. «Ցավոք, մեր երկրում տեղի ունեցան մարտիմեկյան ողբերգություններ, և տևական ժամանակ պետությունը լարվածության վիճակի մեջ էր».

-Իշխանությունների կողմից արվում են հստակ քայլեր քաղաքական ճգնաժամը հաղթահարելու համար։ Մենք պետք է կարողանանք հասարակության միջից հանել անհանդուրժողականությունը,-ավելացրել է ԱԺ պատգամավորը։

7or.am