Երեկ՝ հուլիսի 5-ին, խոշոր ավտովթար է տեղի ունեցել Շիրակի մարզում։ Ժամը 12։25-ի սահմաններում Մարմարաշենի խճուղու և Մուշ 2-րդ թաղամաս տանող խաչմերուկում բախվել են Գյումրիի բնակիչ 40-ամյա Գևորգ Նադոյանի վարած Toyota Land Cruiser մակնիշի 55 PN 505 համարանիշի և Ախուրյան գյուղի բնակիչ 23-ամյա Արման Կնյազյանի վարած КамАЗ մակնիշի 298 SU 46 համարանիշի ավտոմեքենաները։

shamshyan.com–ի փոխանցմամբ՝ վթարի հետևանքով КамАЗ-ը կողաշրջվել է, իսկ վարորդ Ա․ Կնյազյանին օպերատիվորեն դեպքի վայր ժամանած բժիշկները տեղում առաջին բուժօգնություն են ցուցաբերել։

Փաստի առթիվ նյութեր են նախապատրաստվում։