ԱԺ պաշտպանության, անվտանգության և ներքին գործերի մշտական հանձնաժողովի նախագահ, ՀՅԴ խմբակցության անդամ Հրայր Կարապետյանը լրագրողների հետ հանդիպման ժամանակ նշել է, թե վերջին քաղաքական զարգացումները  ցույց են տալիս, որ Թուրքիա-Ադրբեջան քաղաքական դաշինքը, ըստ էության, գործում է միասնական ճակատով, և որ Թուրքիան իր շահերը կապում է միայն Ադրբեջանի շահերի հետ։

-Այն բոլոր ջանքերը, բալոր հույսերը, թե Թուրքիայի հետ սահմանի բացումով և դիվանագիտական կապերի ստեղծումով մենք կանջատենք Թուրքիան Ադրբեջանից, և նա այլևս որպես աջակից հանդես չի գա և որպես նախապայման չի օգտագործի Ղարաբաղի խնդիրը, չարդարացան,-նշել է նա։

Ըստ Հրայր Կարապետյանի՝ Վաշինգտոնում Թուրքիայի վարչապետը ևս մեկ անգամ հաստատել է, որ հայ-թուրքական հարաբերությունները պայմանվորվում են Ղարաբաղի խնդրի կարգավորման Ադրբեջանի համար ձեռնտու տարբերակով, և այն արդեն ալյևս քննարկման հարց չի դառնում անգամ Մինսկի խմբի միջնորդ պետությունների համար։

7or.am