Այս պահին ՀՀ վարչապետ Փաշինյանը մասնակցում է ՊՆ ռազմաուսումնական հաստատությունների շրջանավարտների ավարտական միջոցառմանը։ Հետաքրքիր է, որ միջոցառմանը անհավասար պայմաններ են ստեղծել լուսաբանող լրատվամիջոցների համար։

Բոլոր լրատվամիջոցներին հրահանգվել է հատկացված կարմիր ժապավենով առանձնացված տարածքից աշխատել, իսկ մեդալների հանձնման պահը այդ դիրքից չի երևում։ Արտոնյալ կարգավիճակ է տրամադրվել միայն «Ազատություն» ռադիոկայանին, որի օպերատորը կարմիր ժապավենից այն կողմ է աշխատում՝ կառավարության օպերատորների մոտ։

Սա տարակուսանք է առաջացրել լրագրողների համար։ Նշենք նաև, որ այս պահին վարչապետի ֆեյսբուքյան պաշտոնական էջով հեռարձակվում է «Ազատություն» ռադիոկայանի ուղիղ հեռարձակումն՝ առանց «Ազատության» լոգոյի։ Ինչը առնվազն տարակուսելի է՝ հաշվի առնելով, որ մեր գործընկեր «Ազատություն» ռադիոկայանը նման իշխանահաճո պահվածք երբևէ չի ցուցաբերել։

Աղբյուր՝ Armdaily.am