Հայկական սոցիոլոգիական ասոցիացիայի նախագահ, սոցիոլոգ Գևորգ Պողոսյանը Մամուլի ազգային ակումբում հանդիպելով լրագրողների հետ՝ ասել է, թե իրենց կազմակերպությունը ՀՀ ողջ տարածքում փետրվար-մարտ ամիսներին հայ-թուրքական հարաբերությունների կարգավորման վերաբերյալ հասարակական տրամադրությունները պարզող սոցհարցում է անցկացրել։ Արդյունքները ցույց են տվել, որ հասարակությունը սկսել է այդ խնդրի վերաբերյալ նվազ հետաքրքրություն ցուցաբերել։

Ըստ սոցիոլոգի՝ այնտեղ հարցադրում է եղել՝ հայ-թուրքական հարաբերությունների կարգավորման նպատակով Ղարաբաղում զիջումների գնալ կարելի՞ է, թե՞ ոչ։ Փետրվարին պատասխանողների 87%-ը, իսկ մարտին՝ 83%-ն իրենց անհամաձայնությունն են հայտնել որևէ զիջում կատարելու վերաբերյալ։

-Ինչպես տեսնում եք, մեկ ամսվա մեջ 4% նվազել է դեմ արտահայտվողների թիվը։ Ես, իհարկե, չէի ասի, թե դա մեծ թիվ է, բայց ինձ մտահոգում են այն  2-%, որը մտածում է, թե կարելի է գնալ զիջումների, և այն 7%-ը, որը գտնում է, թե ավելի շուտ համաձայն է որոշակի զիջումների գնալ,-նշել է նա։

Ըստ Գևորգ Պողոսյանի՝ հարցումները ցույց են տվել, որ Թուրքիայի հետ հարաբերությունները կարագավորելու ուղությամբ Սերժ Սարգսյանի կատարած քայլերը դրական է գնահատում բնակչության 52%-ը փետրվարին, իսկ 54%-ը՝ մարտին։

7or.am