ՀՀ  Ոստիկանապետ

Պարոն  Ա.Սարգսյանին

Հարգելի  պարոն  Սարգսյան,

երեկվա  ասուլիսում  արատահայտած  Ձեր  մտքերից /արտահայտություններից/ շատերն, իմ  կարծիքով, կոպտորեն հակասում են  ՀՀ  օրենսդրության, այն  էլ  հիմնական  օրենքի, պահանջներին, որոնցից  մի  քանիսի  վերաբերյալ  պատիվ  ունեմ  տեսակետ  հայտնել'

1. ասում  եք  «Ընտրված  նախագահ», բայց  չէ՞  որ   մեր  երկրի  Սահմանադրության    համաձայն /հոդված  51/, ՀՀ  Նախագահը  պետք  է  ընտրվի  ՀՀ  օրենդրության  սահմանված  կարգով, ինչը  տեղի  չի  ունեցել  2008թ.-ի  ընտրություններում /տե'ս, առնվազն,  ՀՀ  Սահմանադրական  դատարանի  08.03.08թ.-ի  թիվ  ՍԴՈ  736  որոշումը/  և  որում  թերացել  է  պետությունը, այդ թվում, ՀՀ  Ոստիկանությունը:
2. Ակնհայտորեն  շփոթել  եք  «հեղափոխություն»  և  «հեղաշրջում»  բառերը: Հիշե՛ք, «հեղափոխությունը»  լավ  բան  է  հասարակական կյանքի  ցանկացած  բնագավառում, որով,  ի  դեպ,  «հիացած  եք»  նաև  Դուք, սակայն   «ռեֆորմ»  եք  անվանում:   

Ավելին, «հեղափոխությունը»  ՀՀ  օրենդրությամբ  արգելված  չէ /ՀՀ  Սահմանադրության   18-րդ  հոդված/: Մեր  երկրում, Ձեր  հասկացած  այդ  «հեղափոխությունը» տեղի է  ունեցել  1998թ.-ի, 2003թ.  և  2008թ.-ի  ընտրություններում:

Այնպես  որ, Ձեր  «օրորոցային  դուխը»  օգտագործեք  համապետական  այդ միջոցառումներում, Ոստիկանության  անգործության  վերացման, այսինքն, Ձեր  օրենսդրական  պարտավորությունների  կատարման    համար:

3. Իսկ  ինչ  վերաբերվում  է  Ոստիկանապետի  ինչ  որ  թիմում  լինելու մասին, աշխատեք այդ մասին, առնվազն  չբարձրաձայնել, քանի  որ  պետական գործչիդ,  միայն  Ձեր  «թիմապետը»  չի   լսում, հարգելի  պարոն  գեներալ-լեյտենանտ:

Հիշեք, մեր  երկրի  օրենսդրությամբ  ՀՀ  նախագահը  կարող է ունենալ միայն  մեկ թիմ, այն  է' կուսակցական, որին  անդամագրվել, Ոստիկանապետը  չի  կարող                          /ՀՀ  Սահմանադրության  28-րդ հոդված/:

Մի  ընդօրինակեք  ՍԴ  նախագահին  կամ   Պաշտպանության  նախարարին, քանի որ  Դուք  ավելի  իրավագիտակից  եք:

Հարգանքներով' Ռ.Թորոսյան, «Մարդու  իրավունքներ -96»                                                                                                                                      կուսակցության նախագահ