Նորքի տուն-ինտերնատին մատակարարվել է թթվասեր և մածուն, որոնք պատրաստված չեն եղել կաթից

● Տնտեսական

30.07.2019 ● 16:54

Նորքի տուն-ինտերնատին մատակարարվել է թթվասեր և մածուն, որոնք պատրաստված չեն եղել կաթից

ՀՀ աշխատանքի և սոցիալական հարցերի նախարարության ենթակայությամբ գործող «Նորքի տուն-ինտերնատին» մատակարարվել է ՊՈԱԿ-ի և «Գալիմա» մատակարար ընկերության միջև կնքված գնման պայմանագրի տեխնիկական բնութագրին չհամապատասխանող թթվասեր:

Ինչպես տեղեկացրեցին ՀՀ աշխատանքի և սոցիալական հարցերի նախարարության hասարակայնության հետ կապերի բաժնից, մատակարարված տարաների պիտակների վրա նշված է եղել, որ արտադրանքը պատրաստված է կաթի փոխարինիչից:

Տուն-ինտերնատի տնօրինության կողմից անմիջապես կազմվել է համապատասխան արձանագրություն: Տնօրեն Արթուր Մելքոնյանը հրաժարվել է ընդունել թթվասեր ապրանքատեսակի խմբաքանակը, իսկ մածուն ապրանքատեսակից տեղում կատարված նմուշառության արդյունքներն ուղարկել է «Ստանդարտ դիալոգ» ընկերության լաբորատորիա՝ համապատասխան փորձաքննություն իրականացնելու խնդրանքով:

«Գալիմա» ընկերությունը պարտավորվել է 1-օրյա ժամկետում փոխարինել մատակարարված թթվասերը՝ տեխբնութագրին համապատասխանող ապրանքատեսակով:

Լաբորատոր փորձաքննության արդյունքներից պարզվել է, որ մածուն ապրանքատեսակը ևս չի համապատասխանում սահմանված տեխնիկական պահանջներին. Այն ևս պատրաստված է ոչ թե բնական կաթից, այլ կաթի փոխարինիչից:

Այս խմբաքանակի փոխարինման համար ևս «Գալիմա» ընկերությանը տրվել է մեկօրյա ժամկետ, որի խախտման դեպքում Աշխատանքի և սոցիալական հարցերի նախարարությունը դիմելու է պայմանագրով նախատեսված պատժի միջոցներին:

● Այս խորագրի վերջին նյութերը

90 մլն եվրո պարտք է Փաշինյանի կառավարությունը վերցնում՝ բյուջեի դեֆիցիտը փակելու համար

31.10.2024 ● 10:49

Բյուջեով նախատեսվել է շուրջ 450 մլն դոլար բյուջետային աջակցության վարկերի ներգրավում:

Սեպտեմբեր ամսվա ցուցանիշներով ՀՀ տնտեսության կառուցվածքը շարունակում է վատթարանալ. «Լույս» հիմնադրամ

29.10.2024 ● 17:18

Պետական բյուջեի ցուցանիշներն էականորեն թերակատարվել են:

Հայաստանի ԿԲ-ն նվազեցրել է վերաֆինանսավորման տոկոսադրույքը մինչև 7,25 տոկոս

29.10.2024 ● 14:08

ԿԲ-ն շարունակում է նվազեցնել տոկոսադրույքը, քանի որ գնաճը, և ամենակարևորը, դրա սպասելիքները Հայաստանում մնում են ցածր:

ԶՊՄԿ-ն կրկին առաջինն է 1000 խոշոր հարկատուների ցուցակում

28.10.2024 ● 14:00

Ընթացիկ տարվա հունվար-սեպտեմբեր ամիսներին կոմբինատը վճարել է 83,668,387 հազար դրամ հարկ։

Հրապարակվել է 1000 խոշոր հարկատուների ցանկը

28.10.2024 ● 12:58

2024 թվականի հունվար-սեպտեմբեր ամիսների ընթացքում 1000 խոշոր հարկ վճարողների կողմից վճարված գումարները կազմել են ավելի քան 1 տրիլիոն 323 միլիարդ 205 միլիոն դրամ։