ԿԲ-ն վերաֆինանսավորման տոկոսադրույքը թողել է անփոփոխ՝ 5.75 տոկոս

● Լրահոս

30.07.2019 ● 16:56

ԿԲ-ն վերաֆինանսավորման տոկոսադրույքը թողել է անփոփոխ՝ 5.75 տոկոս

ՀՀ կենտրոնական բանկի խորհուրդը 2019 թ. հուլիսի 30-ի նիստում որոշեց անփոփոխ թողնել վերաֆինանսավորման տոկոսադրույքը՝ 5.75%:

2019 թ. հունիսին գրանցվել է 1.9% գնանկում՝ նախորդ տարվա նույն ժամանակահատվածի 1.6%-ի դիմաց, ինչի պարագայում 12-ամսյա գնաճը նվազել է՝ կազմելով 2.5%` պայմանավորված գյուղմթերքների գների դրսևորված ավելի խոր սեզոնային նվազմամբ։ Միևնույն ժամանակ, ամսվա ընթացքում բնականոն գնաճը փոքր-ինչ ավելացել է։

Ինչպես տեղեկացրին ԿԲ հասարակայնության հետ կապերի ծառայությունից, արտաքին հատվածում համաշխարհային տնտեսության աճի դանդաղման և պահանջարկի թուլացման միտումները պահպանվում են, ինչի ներքո ՀՀ հիմնական գործընկեր երկրների ԿԲ-ները առաջիկայում կվարեն դրամավարկային պայմանների թուլացման քաղաքականություն։ Այս իրավիճակում հիմնական պարենային և հումքային ապրանքների միջազգային շուկաներում գնաճային միջավայրը նույնպես շարունակում է մնալ թույլ, որի պարագայում ԿԲ խորհուրդը գնահատում է, որ, ընդհանուր առմամբ, արտաքին հատվածից գնաճային ճնշումներ չեն ակնկալվում:

Խորհուրդն արձանագրում է, որ երկրորդ եռամսյակում, սպասվածին համահունչ, պահպանվել են տնտեսական ակտիվության աճի բարձր տեմպերը՝ պայմանավորված մասնավոր սպառման աճով: Տարվա երկրորդ եռամսյակում ևս իրականացված հարկաբյուջետային քաղաքականության ազդեցությունը ներքին պահանջարկի վրա գնահատվում է զգալի զսպող: Ակնկալվում է, որ տարվա երկրորդ կեսին այն կլինի ընդլայնող, որի հետևանքով տարվա արդյունքում հարկաբյուջետային քաղաքականության զսպող ազդեցությունը համախառն պահանջարկի վրա էապես կփոքրանա։

Ներկա իրավիճակում ԿԲ խորհուրդը, նախապատվությունը տալով գնաճի աստիճանական վերականգնմանը, նպատակահարմար է գտնում պահպանել դրամավարկային գործող պայմանները՝ անփոփոխ թողնելով վերաֆինանսավորման տոկոսադրույքը։ Միևնույն ժամանակ, կանխատեսվող մակրոտնտեսական զարգացումների պարագայում, անհրաժեշտ կլինի խթանող դիրքը պահպանել երկար ժամանակահատվածում՝ միջնաժամկետում գնաճի նպատակի իրագործման համար։ Արդյունքում ակնկալվում է, որ գնաճն առաջիկա ամիսներին կպահպանվի նպատակային ցուցանիշից ցածր մակարդակում՝ միջինժամկետ հատվածում կայունանալով դրա շուրջ:

Նշենք նաև, որ գնաճի կանխատեսված հետագծից շեղման ռիսկերը հիմնականում նվազման ուղղությամբ են՝ պայմանավորված արտաքին աշխարհի զարգացումներով և պետական բյուջեի վարքագծով, որոնց դրսևորման պարագայում Կենտրոնական բանկը պատրաստ է համապատասխանորեն արձագանքել՝ ապահովելով գների կայունությունը միջնաժամկետ հատվածում։

Տոկոսադրույքի մակարդակի որոշման հիմքում ընկած մանրամասն տեղեկատվությունը կհրապարակվի մինչև 2019 թ. օգոստոսի 13-ը:

● Այս խորագրի վերջին նյութերը

Կողբում հանրային սննդի օբյեկտի գործունեություն է կասեցվել

05.11.2024 ● 19:02

Տեսչական մարմնի ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է, հայտնաբերված խախտումները վերացնելու համար սահմանվել է ժամկետ։

Գերմանիայում չեն կարողանում գտնել հաջողակին, որը վիճակախաղով 1,1 մլն եվրո է շահել

05.11.2024 ● 18:45

Գերմանիայում վիճակախաղի շահումները չեն հարկվում, քանի որ դրանք հիմնված են հաջողության վրա:

Մոսկվան, ի տարբերություն արևմտյան կեղծավոր միջնորդների, Երևանին և Բաքվին չի դրդում հապճեպ խաղաղության պայմանագիր կնքել. Լավրով

05.11.2024 ● 18:03

ՌԴ-ն վստահ է, որ հապճեպ խաղաղությունը՝ առանց Բաքվի և Երևանի դիրքորոշումների, ինչպես նաև տեղում իրողությունների համակողմանի դիտարկման, ոչ մի լավ բանի չի հանգեցնի։

Երևանում անչափահասը դանակահարել է 46-ամյա տղամարդուն․ տուժածը հիվանդանոցում է

05.11.2024 ● 17:36

Դեպքի առնչությամբ քրեական վարույթ է նախաձեռնվել, հանգամանքները պարզվում են։

Կապան խոշորացված համայնքի Արծվանիկ բնակավայրը տարածաշրջանի ծաղկող գյուղերից է (տեսանյութ)

05.11.2024 ● 16:09

Կապան խոշորացված համայնքի Արծվանիկ բնակավայրը տարածաշրջանի ծաղկող գյուղերից է։

Պայթյուն է տեղի ունեցել Թուրքիայի նավթավերամշակման գործարանում (տեսանյութ)

05.11.2024 ● 16:02

Ականատեսները հայտնում են, որ պայթյունի ձայնը լսվել է նաև հարևան շրջաններում:

Աղբահավաքության շոուն կա, բայց աղբի հավաքումը չկա

Սա ո՞նց բնութագրել, եթե ոչ` թալան օրինական քողի տակ

Հերթական ծածկադմփոցին ու աչքկապոցին Աջափնյակում (տեսանյութ)

● Լրահոս