ԱԺ ՀՀԿ խմբակցության անդամ Լեռնիկ Ալեքսանյանը լրագրողների հետ հանդիպման ժամանակ  խոսելով ՀՀ նախագահի վաշինգտոնյան հանդիպումների մասին՝ ասել է, թե այս այցի մասին ՀՀ թե՛ ընդդիմադիր, թե՛ իշխանական գործիչնեը դրական են արձագանքել։

-Վաշինգտոնն այն հանգրվանն էր, որտեղ հստակեցվեց այն, ինչ մինչ այդ ասվել էր ՀՀ-ի և նախագահի կողմից։ Դիվանագիտությունը շարունակական գործընթաց է, և այն քաղաքական ինտրիգները, որոնք կային Թուրքիայի և Ադրբեջանի կողմից, բացահայտվեցին ոչ միայն միջազգային, այլ նաև մեր հանրության համար,-նշել է նա։

Ըստ Լեռնիկ Ալեքսանյանի՝ հայ-թուրքական հարաբերությունների կարգավորման գործընթացը կշարունակվի նաև ապրիլի 24-ից հետո։

-Ես ոչ էլ սպասում եմ, որ վաղը կամ մյուս օրը սահմանը բացվի։ Ապրիլի 24-ից հետո էլ անպայման դիվանագիտությունը շարունակվելու է, չի փակվելու,-նշել է նա։

Հարցին, թե ողջամիտ ժամկետների ու արձանագրությունների հետ կանչման մասին ի՞նչ կարծիք ունի, Լեռնիկ Ալեքսանյանը հարցով է պատասխանել. «Իսկ ի՞նչ ենք շահելու արձանագրությունները հետ կանչելով»։

7or.am