Լրագրողների հետ հանդիպման ժամանակ ԱԺ ՀՀԿ խմբակցության անդամ Լեռնիկ Ալեքսանյանն ասել է, թե ՀՀ բնակիչներն ունեն արդար սոցիալական անհանգստություն՝  կապված թանկացումների հետ, սակայն կառավարությունն ամեն ինչ անում է այդ խնդիրներին լուծում տալու համար։

Նրա խոսքերով, սակայն, այս ամենով հանդերձ, Հայաստանում չեն կարող կրկնվել Ղրղզստանի դեպքերը, և հեղափոխական իրավիճակ չկա։

-Հեղափոխության հիմքեր չկան մի շատ պարզ պատճառով՝ հայ ժողովուրդը ղրղզ չէ։ Բացի այդ, հեղափոխությունները, հատկապես այդ տիպի, բացասական երևույթներ են։ Մի շատ հայտնի խոսք կա, որ աղքատությունից է հեղափոխությունը ծնվում, բայց նաև բերում է իր հետ նույն վիճակը։ Հեղափոխությունները մինչ այսօր լավ վիճակի չեն բերել,-նշել է նա։

Ըստ Լեռնիկ Ալեքսանյանի՝ հայերն այնքան խելք ունեն, որ հեղափոխություն չանեն, և դրա համար համապատասխան ուժ չկա Հայաստանում։

7or.am