ԱՄՆ իշխանությունները պարգևատրում են սահմանել «Իսլամական պետություն» ահաբեկչական խմբավորման երեք բարձրաստիճան անդամների գտնվելու վայրի մասին տեղեկությունների համար: Այս մասին ճեպազրույցում նշել է ԱՄՆ պետդեպարտամենտի պաշտոնական ներկայացուցիչ Մորգան Օրթագուսը:

«Յուրաքանչյուր ոք, ով այդ անձանցից որևէ մեկի մասին վստահելի տեղեկատվություն ունի, կարող է վարձատրվել մինչև 5 միլիոն դոլար գումարի չափով», - ասել է Օրթագուսը:

Պետդեպարտամենտի Rewads for Justice ծրագրի կայքում տեղադրված տեղեկատվության համաձայն ՝ Աբդալլահը, Համիդը և Թայսիրն ԻՊ-ի բարձրաստիճան զինյալներ են: Նրանք նաև «Ալ-Քաիդա» ահաբեկչական խմբավորման անդամներ են եղել:

2015 թվականին ԱՄՆ իշխանությունները 5 միլիոն դոլար պարգևավճար էին խոստացել Աբու Մուհամմադ ալ-Շիմալիի գտնվելու վայրի վերաբերյալ տեղեկատվության համար: Ըստ Պետդեպարտամենտի՝ նա օգնել է ահաբեկչական խմբավորման՝ Ավստրալիայից, Եվրոպայից և Մերձավոր Արևելքից ապագա զինյալներին Սիրիայից Թուրքիա տեղափոխվելու հարցում:

Աղբյուրը՝ tert.am