Քաղաքական

01.09.2019 10:38


«Չարակամությունը հիմարության ընկերուհին է»․ Կ․Զատուլինը շնորհավորել է Ռ․Քոչարյանին

«Չարակամությունը հիմարության ընկերուհին է»․ Կ․Զատուլինը շնորհավորել է Ռ․Քոչարյանին

Ռուսաստանի Պետական դումայի ԱՊՀ գործերով ու եվրասիական ինտեգրման կոմիտեի նախագահի առաջին տեղակալ Կոնստանտին Զատուլինը շնորհավորել է Արցախի առաջին և Հայաստանի երկրորդ նախագահ Ռոբերտ Քոչարյանի ծննդյան 65-ամյակը։ Այս մասին հայտնում է yerkramas-ը։

Շնորհավորական ուղերձում մասնավորապես ասված է․

«Թանկագին Ռոբերտ Սեդրակի

Ի սրտե շնորհավորում եմ Ձեզ 65-ամյակի կապակցությամբ։

Օ'Հենրին պնդում էր, որ մարդն իրեն չի կարող համարել լիարժեք՝ չանցկացնելով թեկուզև 24 ժամ բանտում։ Ձեր թշնամիների նենգ կամքը Ձեզ անազատության մեջ է պահում շատ ավելի։
Չարակամությունը հիմարության ընկերուհին է, քանզի չցանկանալով դա՝ նրանք Ձեզ կրկին վերադարձրեցին Հանրապետության քաղաքական թատերաբեմ։
Ռուսաստանում մեզ մոտ եղած պատկերացումներով՝ անարդարությունը բումերանգով վերադառնում է նրանց, ովքեր դա իրականացրել են։
Մեր հարգանքը Ձեզ պայմանավորված չէ կոնյունկտուրայով․ այն հիմնված է ռուս ազգի պատմական դաշնակիցներ հայերի և Հայաստանի ազգային շահերի հարցում Ձեր ավանդի մասին պատկերացումների վրա։
Մենք ցանկանում ենք Ձեզ ազատ արձակում, իսկ Հայաստանին՝ արդարության վերականգնում, որին հարված է հասվել։
«Լազարյան ակումբից» ընկերների հանձնարարականով՝
Ռուսաստանի Պետական դումայի ԱՊՀ գործերով ու եվրասիական ինտեգրման կոմիտեի
նախագահի առաջին տեղակալ Կ․Զատուլին»։

Այս խորագրի վերջին նյութերը