ՀՀ ԱԳ նախարարի տեղակալ Շավարշ Քոչարյանին SHANTNEWS.am-ը հարց ուղղեց՝ կա՞ արդյոք որևէ հնարավորություն՝ ՌԴ կողմից Ադրբեջանին զենք վաճառելու հանգամանքը բացառելու համար:

«Երկկողմանի կամ բազմակողմանի որևէ դրույթ չկա, որը դա արգելում է անել: Մեզ շատ անգամ հարց են տալիս՝ բա էլ ի՞նչ դաշնակցային հարաբերություն: Մյուս կողմից՝ չէ՞ որ մենք անհամեմատ ավելի մատչելի գնով ենք զենք ստանում, ավելին, մենք այնպիսի զինատեսակ ենք ստացել, որը բացառիկ է, դրանով Ռուսաստանը փորձում է հավասարակշռել»,-ասաց նա:

Ճշտող հարցին՝ կարելի՞ է ասել, որ հայ-ռուսական հարաբերություններում նահանջ կա, Քոչարյանը պատասխանեց, որ հարաբերություններն այնքան բազմաոլորտ ու բազմաշերտ են, որ առանձին դրվագներով չի կարելի խոսել:

«Հեղափոխությունից հետո հասկանալի է, որ Ռուսաստանի էլիտայի համար դա այն չէ, որ իրենք պիտի ողջունեին»,-նշեց փոխնախարարը:

Մանրամասները՝ տեսանյութում: