Աշխարհ

11.09.2019 18:08


Նազարբաևին մարմնավորած դերասանը դարձել է Ղազախստանի խորհրդարանի պատգամավոր

Նազարբաևին մարմնավորած դերասանը դարձել է Ղազախստանի խորհրդարանի պատգամավոր

Դերասան, երգիչ, կոմպոզիտոր և հեռուստահաղորդավար, Ղազախստանի մշակույթի վաստակավոր գործիչ Նուռլան Ալիմժանովը սեպտեմբերի 11-ին Ղազախստանի մաժիլիսի (խորհրդարանի ստորին պալատի) պատգամավորի երդում Է տվել: Նա ճանաչում Է ստացել «Առաջնորդի ուղին» ֆիլմում (2013 թ.) Ղազախստանի առաջին նախագահ Նուրսուլթան Նազարբաևի դերը կատարելուց հետո, տեղեկացնում Է «Արմենպրես»-ը:

«Մեր շարքերը համալրեց ևս մեկ պատգամավոր: Կենտրոնական ընտրական հանձնաժողովի որոշմամբ «Նուր Օթան» («Հայրենիքի լույսը») կուսակցության անդամ Նուռլան Ալիմժանովը խորհրդարանի Մաժիլիսի պատգամավոր Է գրանցվել կուսակցական ցուցակով»,-հայտնել Է Մաժիլիսի նախագահ Նուռլան Նիգմատուլինը պալատի լիագումար նիստի ընթացքում:

35-ամյա Ալիմժանովն ընտրվել Է Մաժիլիսի սոցիալ-տնտեսական զարգացման կոմիտեի կազմում: «Նուր Օթան»-ի կուսակցական ցուցակով Մաժիլիսի պատգամավորի մանդատը Ալիմժանովին հանձնելու որոշումն ընդունվել Էր օգոստոսին՝ կուսակցության քաղաքական խորհրդի բյուրոյի նիստում, հաղորդել Է ՏԱՍՍ-ը:

Այս խորագրի վերջին նյութերը