Հայ ազգային կոնգրեսի ներկայացուցիչ Դավիթ Շահնազարյանը մամուլի ասուլիսներից մեկում հայտարարել է, թե ճիշտ կլինի, եթե Հայաստանն առաջինը վավերացնի հայ-թուրքական արձանագրությունները.

-Դա առանձին մարդկանց կարծիքը կարող է լինել։ Եթե մտնում ես փակուղի, դուրս  գալու մի քանի ճանապարհ կարող է լինել, բայց բոլորն էլ կորուստներ են պարունակելու։ Շատ դժվար է Սերժ Սարգսյանին խորհուրդ տալ, այն սխալների կույտից հետո, որ ինքը կատարել է, թե որն է դուրս գալու ճիշտ ձևը. միգուցե վավերացումն ավելի քիչ վնասներ կբերեր Հայաստանին։ Ես չգիտեմ։ Բայց մենք չենք պատրաստվում խորհուրդներ տալ Սերժ Սարգսյանին այս առումով։ Ես զերծ եմ մնալու խորհուրդ տալուց։

Լևոն Զուրաբյանն ասել է, թե լրագրողներն իրեն դնում են մի հարցի առաջ, թե ո՞ր սխալն է ավելի կործանարար։

-Նշելով ավելի քիչ կործանարար սխալը, ես ակամա  դառնում եմ այդ սխալի պաշտպանը,-ասել է նա։

7or.am