Հայ ազգային կոնգրեսի արտաքին հարաբերությունների հանձնաժողովի ներկայացուցիչ Վլադիմիր Կարապետյանն ապրիլի 12-24-ը ԵՄ հրավերով Ստրասբուրգում և Բրյուսելում էր։ Նա նշել է, որ հանդիպումների ժամանակ հայ-թուրքական հարաբերությունների կարգավորման հարցը չի բարձրացրել, սակայն շատերը փորձել են իմանալ այդ ամենի վերաբերյալ ՀԱԿ դիրքորոշումը։ Նա նշել է, որ հետաքրքրական էր նաև, որ իրեն շատերը հարցնում էին, թե ինչն է պատճառը, որ Հայ ազգային կոնգրեսն ընդդիմանում է հայ-թուրքական հաշտեցման գործընթացին.

-Կարիք էր լինում բացատրությունների, որ մենք չենք ընդդիմանում և հստակ ասել ենք, որ եթե պատմաբանների հանձնաժողովի հարցը արձանագրություններում չլիներ, մենք այդ արձանագրությունները համարում ենք բավական նորմալ։ Ավելին, մենք երբևէ այս արձանագրություններին ընդդիմանալու միջոցառում չենք կազմակերպել,- նշել է Վլ.Կարապետյանը՝ ավելացնելով. «Սակայն մենք չէինք ուզենա, որ Հայաստանի և Թուրքիայի միջև հարաբերությունները կարգավորվեին այդ արձանագրություններով։ Կարծում եմ, որ այդ արձանագրություններում կան բազմաթիվ ռիսկեր և վտանգներ »։

Նրա խոսքերով՝ մի քանի հանդիպումներից հետո պարզ դարձավ, որ դա իշխանության հատուկ քաղաքականություն էր, իրենց կողմից արհեստական կերպով ստեղծված ընդդիմության՝ Դաշնակցության մոտեցումը որպես ՀԱԿ-ի մոտեցում ներկայացնելու համար։

Ինչ վերաբերում է Սերժ Սարգսյանի կողմից արձանագրությունների վավերացման գործընթացի կասեցմանը, նա նշել է, որ եվրոպական գործընկերների մոտ որոշակի հիասթափություն կար.

-Միաժամանակ, երբ փորձում էինք այդ հայտարարության մանրամասները պարզել, պարզ էր դառնում, որ դա հայտարարություն է ոչնչի մասին, և ոչ մի բան տեղի չի ունեցել։ Դրանից հետո զրուցակիցներս հասկանում էին, որ գործընթացը համենայնդեպս իրենք կարող են շարժել։ Հույսերը չեն կորցնում,- ասել է նա։

7or.am