Աշխարհ

09.10.2019 20:35


Հայտարարվել են քիմիայի բնագավառում Նոբելյան մրցանակի դափնեկիրները

Հայտարարվել են քիմիայի բնագավառում Նոբելյան մրցանակի դափնեկիրները

Ջոն Գուդենաֆը, Սթենլի Ուիթինգհեմը եւ Ակիրա Յոշինոն քիմիայի բնագավառում 2019 թվականի Նոբելյան մրցանակ են ստացել լիթիումաիոնային մարտկոցների մշակման համար, տեղեկացնում Է «Արմենպրես»-ը:

«Այդ թեթեւ, վերալիցքավորվող եւ հզոր մարտկոցներն այժմ օգտագործվում են ամենուրեք, այդ թվում՝ շարժական հեռախոսներում ու նոութբուքերում, ինչպես նաեւ Էլեկտրական ավտոմոբիլներում: Նրանք կարող են զգալի քանակությամբ Էներգիա պահպանել վերականգնվող աղբյուրներից՝ արեւից ու քամուց»,-հայտարարել են Շվեդիայի գիտությունների թագավորական ակադեմիայի Նոբելյան կոմիտեում:

Նախօրյակին ֆիզիկայի բնագավառում 2019 թվականի Նոբելյան մրցանակը շնորհել են Ջեյմս Փիբլզին «ֆիզիկական տիեզերաբանության ոլորտում տեսական հայտնագործությունների համար», Միշել Մայորին եւ Դիդիե Կելոյին՝ «արեւանման աստղի ուղեծրում Էկզոմոլորակների հայտնաբերման համար»:

Հոկտեմբերի 7-ին բժշկության բնագավառում 2019 թվականի Նոբելյան մրցանակը շնորհվել Է Ուիլյամ Քելինին, Պետեր Ռատկլիֆին եւ Գրեգ Սեմենցեին: Դափնեկիրների պարգեւատրման արարողությունը, ավանդույթի համաձայն, տեղի կունենա դեկտեմբերի 10-ին Նոբելյան մրցանակի հիմնադիր՝ շվեդ ձեռնարկատեր եւ գյուտարար Ալֆրեդ Նոբելի (1833-1896 թթ.) մահվան օրը: Նրա կողմից կտակված հինգ մրցանակից չորսը սովորաբար հանձնվում Է Ստոկհոլմում: Խաղաղության մրցանակը, դրա հիմնադրի կամքի համաձայն, հանձնվում Է Օսլոյում, նույնպես դեկտեմբերի 10-ին: Նոբելյան մրցանակներից յուրաքանչյուրի գումարը կազմում Է 9 մլն շվեդական կրոն (950 հազար դոլարից փոքր-ինչ պակաս): Ֆիզիոլոգիայի եւ բժշկության գծով մրցանակի հանձնումով մեկնարկել Է «նոբելյան շաբաթը»:

Հոկտեմբերի 10-ին կհայտարարվեն 2018 եւ 2019 թվականների համար գրականության բնագավառի դափնեկիրները: Խաղաղության մրցանակի դափնեկիրը հայտնի կդառնա հոկտեմբերի 11-ին: Ալֆրեդ Նոբելի հիշատակին տնտեսական գիտությունների գծով մրցանակը, որը 1969 թվականին հիմնվել Է Շվեդիայի բանկի կողմից, կշնորհվի հոկտեմբերի 14-ին, հաղորդել Է ՌԻԱ Նովոստին:

Այս խորագրի վերջին նյութերը