Լրագրողների հետ հանդիպման ժամանակ  Բնապահպանության նախարարության բնության հատուկ պահպանվող տարածքների բաժնի պետ Արամ Աղասյանը  նշել է, թե  հատուկ պահպանվող տարածքների թիվը տարեցտարի ավելանում է։

-Մենք ունենք 3 պետական արգելոց, 4  ազգային պարկ, որոնցից 2-ը վերջերս  են ընդգրկվել,  27 արգելավայր և 230 անուն բնության հուշարձաններ, որոնք պահպանվում են պետականորեն։ Ընդհանուր առմամբ բնության հատուկ պահպանվող տարածքների ընդհանուր մակերեսը  375 000 հա է՝ հանած ազգային պարկերը,-նշել է նա։

Վայրի բնության համաշխարհային հիմնադրամի հայաստանյան գրասենյակի ղեկավար Կարեն Մանվելյանն էլ նշել է, որ հատուկ պահպանվող տարածքները ստեղծվում են հարուստ կենսաբազմազանություն ապահովելու համար։

Իսկ  «Հանուն մարդկային զարգացման» ՀԿ-ի նախագահ Կարինե Դանիելյանն ասել է, թե չնայած մի շարք միջոցառումների և օրինագծերի մշկամանը, որն իրագործում են ՀՀ խորհրդարանն և կառավարությունը, բնապահպանական խնդիրները չեն նվազում, և հատուկ պահպանվող տարածքներում շարունակում են անօրինություններ տեղի ունենալ, ու նաև որսագողությունն է շարունակվում։

«Էկոդար» ՀԿ-ի ղեկավար Հրայր Սավզյանը պնդել է, որ արգելոցի կողքով անցնելիս շատ հանգիստ կարելի  կրակոցներ լսել, ինչպես նաև արգելոցի տարածքում փափուշտներ հայտնաբերել։

Արամ Աղասյանն էլ պատասխանել է, թե այդ բոլոր տարածքներում 100%-ով պահպանություն իրականացնելը շատ դժվար է, բայց տեսուչներն այդ ուղղությամբ շատ ջանասիրաբար են աշխատում։

7or.am