Նոյեմբերի  14-ին'ժամը 00.55-ին, ահազանգ է ստացվել, որ Գյումրի քաղաքի Երևանյան խճուղու թիվ 171 շենքի մոտ տեղի է ունեցել ճանապարհա-տրանսպորտային պատահար, կան տուժածներ և անհրաժեշտ է փրկարարների օգնությունը:

Դեպքի վայր է մեկնել  մարզային փրկարական վարչության փրկարական ջոկատը:

Դեռևս  չպարզված համգամանքներում բախվել են «ՎԱԶ 21099» մակնիշի 05 ՍԼ 047 պետհամարանիշի և «Համմեր» մակնիշի 19 ՍՕ 843 պետհամարանիշի ավտոմեքենաները:

Ճանապարհա-տրանսպորտային պատահարի հետևանքով «ՎԱԶ 21099» ավտոմեքենայի ուղևոր' 1962թ.-ին ծնված Տանյա Զատիկյանը տեղում զոհվել է, իսկ Քրիստինե Զատիկյանը և Վարդուշ Խաչատրյանը ստացել են տարբեր աստիճանի մարմնական վնասվածքներ և տեղափոխվել Գյումրի քաղաքի Կյուլպենկյան և Ավստրիական հիվանդանոցներ: Մինչ փրկարարների տեղ հասնելը տուժածները տեղի ուժերով դուրս են բերվել  ավտոմեքենայից:

Նրանց առողջական վիճակը  գնահատվել է ծանր: