Ապրիլի 15-ին ՀՀ Ազգային ժողովը երկրորդ ընթերցմամբ եւ ամբողջությամբ ընդունեց Քրեական օրենսգրքում եւ հարակից օրենքներում օրենսդրական փոփոխությունները՝ 14 դեմ, 97 կողմ ձայներով:

Ըստ օրենսդրական փաթեթի, գենդերային, ռասայական, էթնիկական կամ սոցիալական, գենետիկական բնութագրերի, լեզվի, կրոնի, աշխարհայացքի, քաղաքական կամ այլ հայացքների, ազգային փոքրամասնությանը պատկանելիության, սեփականության կարգավիճակի, ծննդյան, հաշմանդամության, տարիքի, սոցիալական կամ անձնական այլ բնութագրերի հիմքով անձի կամ անձանց խմբի նկատմամբ բռնություն գործադրելու վերաբերյալ հանրային կոչերը կհետապնդվեն քրեական կարգով:

Բացի այդ, նման պահվածքի հրապարակային արդարացումը նույնպես հետեւանքներ կունենա: Այս դեպքում քաղաքացին կամ այն անձինք, ովքեր հրապարակայնորեն բռնության կոչերով են հանդես եկել, պատժի կենթարկվեն տուգանքով` 50 կամ 100 հազար դրամի չափով, կամ կալանքի տեսքով՝ մինչեւ երկու ամիս ժամկետով, կամ ազատազրկման` մինչեւ մեկ տարի ժամկետով: Սակայն մշակութային եւ գիտական նշանակության աշխատանքներում կան արտահայտություններ եւ մտքեր, որոնք բռնության կոչեր են հիշեցնում եւ կառավարության ներկայացրած օրենսդրական նախաձեռնության տարրեր են պարունակում, ինչպես նաեւ գիտական եւ գեղարվեստական գրականության տարածումը, որում այդպիսի կոչեր կան, հետապնդման չեն ենթարկվի պետության կողմից:

Աղբյուրը՝ news.am