Եթե՝ ըստ ձեզ, երկրում պատերազմ է, ապա պատերազմի ժամանակ ի՞նչ գործ ունի բարձրաստիճան հրամանատարը սրճարանում, այլ ոչ թե խրամատում

● Կարծիք

09.06.2020 ● 12:11

Եթե՝ ըստ ձեզ, երկրում պատերազմ է, ապա պատերազմի ժամանակ ի՞նչ գործ ունի բարձրաստիճան հրամանատարը սրճարանում, այլ ոչ թե խրամատում

Պարետատունը պահանջում է դրսում՝ բաց տարածքներում, դիմակ կրել։ Բացատրություն, թե ինչո՞ւ է դա պետք, չեմ տեսել։

Ի դեպ, ես համարում եմ, որ այս իրավիճակում դրսում դիմակ կրելն իսկապես ճիշտ է։ Այս պահին էական չէ, թե ինչու եմ այդ կարծիքի, կարևորը՝ որ դրա անրաժեշտությունը բնակչությանը պաշտոնապես չի բացատրվել]։

Բայց հարցը հետևյալն է. եթե մարդիկ փողոցում, բաց տարածքներում պետք է դիմակներով պաշտպանվեն, ապա ի՞նչ տարբերություն բացօթյա սրճարաններում նստելուց։ Ավելի վատ՝ մարդիկ այնտեղ իրար շատ ավելի մոտիկ են նստում քան փողոցում քայլելիս և իրար հետ զրուցում են։

Մի քանի օրում արդեն 3 (!!!) տարբեր տեսանյութ ու լուսանկար է հրապարակվել, որտեղ պարետը (!!!!!) և արդարադատության նախարարը (!!!!) սրճարաններում առանց դիմակ լռված են։

Ավելին, իրենց պահվածքը և պատասխանները վկայում են այն մասին, որ իրենք այսքանից հետո ոչ իրավիճակն են պատկերացնում, ոչ էլ գիտեն դիմակ ճիշտ կրելու ձևերը։

Ասում են. «Հանրային սննդի օբյեկտներում առանց դիմակ նստելը թույլատրվում է, ի՞նչ եք մեզնից ուզում»։

Ու թքած, որ զուտ տրամաբանորեն՝ իրար դեմ-դիմաց, իրար ընդամենը 70–80 սմ հեռավորության վրա առանց դիմակ նստել-շփվելն ավելի վտանգավոր է, քան փողոցում քայլելը։

Կամ, օրինակ՝ ամենաթարմ տեսանյութում, Բադասյանն արդարանալով սեղանից դիմակն է վերցնում, թե բա էս ա դիմակս։ Սրճարանի սեղանից, ընդ որում առանց իր ձեռքերն էլ ախտահանելու...

Բազմիցս ասվել է. ավելի լավ է դիմակ չունենաս, քան կեղտոտ դիմակը քաշես քիթ-մռութիդ։

Փաստորեն իրենց համար այդ դիմակն ընդամենը ինչ-որ «գեղեցկության պարագա» է, դուխով կեպկի պես, որ պիտի հագնես, որ ցույց տաս, որ վիրուսի դեմ պայքարող տղա ես։

Դուք պահանջում եք, որ մարդիկ դիմակ կրեն, բայց ինքներդ կամ չեք հասկանում, թե ինչու են դրանք պետք, կամ ուղղակի թքած ունեք։

Հենց այս բառադիության, տգիտության, անպատասխանատվության պատճառով եք համաճարակը բերել-հասցրել աղետի աստիճանի։ Դուք չեք պայքարում վիրուսի դեմ, դուք ընդամենը պայքար եք բեմադրում։ Հենց հավատարիմ լրատվականների տեսախցիկներն անջատվում են, արդեն կարելի է դիմակը հանել, գնալ սրճարանում լռվել։

Ու շատ ճիշտ է ասում վերջին տեսանյութի հեղինակը. եթե՝ ըստ ձեզ, երկրում պատերազմ է, ապա պատերազմի ժամանակ ի՞նչ գործ ունի բարձրաստիճան հրամանատարը սրճարանում, այլ ոչ թե խրամատում։

#ԼավրովըՃիշտԷր

#անոռԱնգլուխՁիավորները

Կարեն Վրթանեսյանի ֆեյսբուքյան էջից

● Այս խորագրի վերջին նյութերը

Վրացական երազանքն ու հայկական ընտրությունը

29.11.2024 ● 12:53

Հայ ժողովուրդը մի ելք ունի՝ թոթափել նիկոլական բռնապետությունը՝ որքան շուտ, այնքան լավ:

Տրանսպորտի թանկացումն ունի քաղաքացիներին թալանելու նպատակ (տեսանյութ)

29.11.2024 ● 10:33

Տրանսպորտի թանկացմանը դեմ են բոլորն անխտիր` անկախ սոցիալական կարգավիճակից, անկախ մասնագիտությունից, անկախ սեռից ու տարիքից։

Ալեքսանդրապոլցիներին 19-րդ դարում տրվեց դեմոկրատական ճանապարհով քաղաքագլուխ ընտրելու հնարավորություն

28.11.2024 ● 22:12

Ցարական իշխանությունների կողմից ալեքսանդրապոլցիներին իրենց քաղաքի կյանքը տնօրինելու ընձեռնված իրավունքը խիստ կարևոր որոշում էր քաղաքի հետագա զարգացման համար։

«Դժգույն և դժբախտ» մայթն այլևս հետիոտնի համար չէ (տեսանյութ)

28.11.2024 ● 17:25

Գայի պողոտա։

Իշխանության զավթում Գյումրիում

28.11.2024 ● 12:19

Գյումրիի ավագանու շուրջ ընթացող զարգացումներն ունեն շրջադարձային նշանակություն. Հայաստանում իշխանության զավթում է տեղի ունենում, որը կփորձեն տարածել նաև մյուս համայնքների վրա։