«Լուսակերտի տոհմային թռչնաբուծական ֆաբրիկա» (ԼՏԹՖ) ընկերության ներկայացուցիչ Մանասե Եփրեմյանը «7օր»–ին ասել է, որ Ամանորի նախաշեմին ձվի շուկայում եղած դեֆիցիտն առաջացարել էր հավկիթի սպառման մեծ չափերի պատճառով, և ենթադրում է, որ նույն իրավիճակը կլինի նաև առաջիկայում՝ Զատկի նախօրեին։

Փոխարենը Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը պնդել է, թե դեֆիցիտը չարաշահումների արդյունք է եղել։

Հիշեցնենք, որ այսօր ՏՄՊՊՀ–ն «Լուսակերտի տոհմային թռչնաբուծական ֆաբրիկա» ընկերությանը տուգանել է 100 մլն դրամով (մոտ 270 հազար ԱՄՆ դոլար)։

Ինչ վերաբերում է Զատկի օրերին ևս ձվի գնի բարձրացման հնարավորությանը, նա հայտարարել է.

–Մենք ինչո՞ւ ենք այսպես խիստ պատասխանատվության ենթարկում. որպեսզի ձվի շուկայի մասնակիցների և ընդհանրապես մեր բոլոր տնտեսվարողների համար այսուհետ դաս լինի, որ պետք է օրենքի պահանջները պահպանեն, օրինական աշխատեն, պահպանեն մրցակցության կանոնները և զերծ մնան կեղծարարություններից, չարաշահումներից։ Կլինեն չարաշահումներ՝ նորի՛ց կպատժենք։ Հաջորդ անգամ ավելի շա՛տ ենք պատժելու։ Կպատժենք այնքան, մինչև մեր տնտեսվարողները խելքի գան։

7or.am