Երևանի ընդհանուր իրավասության դատարանում ընթանում էր Ռոբերտ Քոչարյանի և մյուսների գործով հերթական դատական նիստը: Այսօր քննվում էր Ռոբերտ Քոչարյանի գույքի վրա դրված արգելանքը հանելու վերաբերյալ միջնորդություննը, որի ընթացքում հայտարարությամբ հանդես եկավ ՀՀ երկրորդ նախագահ, գործով ամբաստանյալ Ռոբերտ Քոչարյանը:

Ռոբերտ Քոչարյանը նշեց, որ շատ է խոսվել ապօրինի գույքի ձեռքբերման մասին և ինքը ցանկանում է պարզաբանել.

«Ես ուզում էի նշել, որ հիմա քննարկում ենք իմ գույքի և հաշիվների հարցը: Դա մեկ տուն է, որ ես ստացել եմ պետության կողմից և բանկային երկու հաշիվներ, որոնց բոլոր փոխանցումները արվել են մեկ աղբյուրից: Այս գույքի և այդ հաշիվների օրինականությունը որևէ մեկի մոտ կասկած չի կարող առաջացնել և դա Դուք ունեք նյութերում: Ես սա հնչեցրեցի և’ ձեր, և’ հանրության համար»,-նշեց նա:

Դատական նիստը հետաձգվեց, այն կշարունակվի օգոստոսի 4-ին, ժամը 13:00-ին:

Մանրամասները` տեսանյութում:

Աղբյուրը՝ tert.am