Հայաստանի իշխանությունը գտնվում է մի յուրօրինակ «կոալիցիայի մեջ» ծայրահեղ արևմտամետ ուժերի հետ կամ, եթե կուզեք այսպես կոչված՝ սորոսական ուժերի հետ: Սրանք այն ուժերն են, որոնց նպատակն է ամեն գնով Հայաստանը դուրս բերել Ռուսաստանի ազդեցության գոտուց:

Հուլիսյան իրադարձությունները և Ռուսաստանի ակտիվ մասնակցությունը գործընթացներին, որոնք թույլ չտվեցին Թուրքիային «մտնել խաղի մեջ», ցույց տվեցին, որ Հայաստանի համար անվտանգության կարևորագույն գործոններից մեկը մեր բանակից հետո հայ-ռուսական ռազմական և քաղաքականա-տնտեսական ռազմավարական գործընկերությունն է: Հենց այս գործընկերությունն է ապահովում Հայաստանի և Արցախի անվտանգությունն ու տարածքային ամբողջականությունը, և ոչ թե ներկայիս «կոալիցիոն գործընկերները» հայտնի շրջանակներից: Բայց այստեղ հարց է ծագում. արդյոք հուլիսյան իրադարձությունները կհանգեցնե՞ն Փաշինյանի՝ «նշված ուժերի հետ կոալիցիայի» ավարտին, թե՞ անձնական շահերն այս անգամ ևս գերակա կլինեն պետական ​​շահերի նկատմամբ:

Բենիամին Մաթևոսյանի ֆեյսբուքյան էջից