Մամլո ասուլիսի ժամանակ պատասխանելով լրագրողի  այն հարցին, թե ինչպե՞ս վարվել համայնքի այն ղեկավարների հետ, որոնց անուններն անգամ վիրավորական են բնակիչներչի համար՝ մատնանշելով, օրինակ, Շենգավիթ համայանքի ղեկավար Սարգիս Հովհաննիսյանին, ով հայտնի է որպես Կադիլակ Սերոժ՝ Երևանի քաղաքապետ Կարեն Կարապետյանն ասել է.

– Ինձ էլ Գազի Կարեն են ասում։ Ուզում եմ ասել, որ կարևորը աշխատանքն է ու այդ աշխատանքի  արդյունքը։

Ըստ  Կարեն Կարապետյանի՝ քաղաքապետարանի  աշխատակազմը  ներդնում է կառավարման եռաստիճան համակարգ՝ քաղաքապետարան, վարչական շրջանների աշխատակազմեր, համատիրություններ, որտեղ հստակ հանձնարարականներ  ունեն համայնքի ղեկավարները։

Քաղաքապետը նաև հայտարարել է, թե «Ֆեյսբուք» սոցիալական ցանցում բացվել է Երևանի  քաղաքապետի էջը, որի միջոցով քաղաքացիները կարող են դիմել իրենց հուզող հարցերով, բացի դա՝ հանձնարարական է տրվել, որ Երևանի բոլոր վարչական շրջանների ղեկավարները նույնպես «Ֆեյսբուքում» էջ ունենան, և բոլորին խորհուրդ է տվել իրենց հարցերով դիմել նրանց։ Հարցին, թե ի՞նչ է կարծում՝ Կադիլակ Սերոժը կկարողանա՞ օգտվել «Ֆեյսբուքից», Կարեն Կարապետյանը պատասխանել է, թե անպայման այդ էջը նա կունենա, իսկ և եթե անձամբ չկարողանա, ապա իրեն կօգնեն։

7or.am