Դատարան դիմելը թթու թան չի, ամեն մարդու բան չի

● Կարծիք

26.08.2020 ● 15:25

Դատարան դիմելը թթու թան չի, ամեն մարդու բան չի

Ինչպես գիտեք, «թավշյա քերթողահայրերը» հպարտ քաղաքացու կաշին մինչև վերջ քերթելու շրջանակներում բարձրացրել են նաև դատարան դիմելու պետական տուրքի չափը։

Արդարադատության երիտնախարարն այդ «իմաստուն» որոշումը բացատրում է հետևյալ կերպ. «Առաջինը` 1999թ.-ից դատարան դիմելու պետական տուրքի չափերը չեն վերանայվել, մինչդեռ դատարանը, եթե նայենք, ծառայությունների մատուցում է ֆիզիկական, իրավաբանական անձանց, և այդ ծառայությունների դիմաց գոնե ինչ-որ ողջամիտ փոխհատուցում պետք է տրվի։ Մինչդեռ դատարանի ծախսերը, եթե համեմատենք պետական տուրքի մասով հավաքագրումները, 4 անգամ գերազանցում են հավաքագրումներին։

Երկրորդ` սա նաև պայքար է ակնհայտ իրավունքի չարաշահման դեպքերի դեմ, որովհետև շատ հաճախ չկա իրավական վեճ, արհեստական վեճ է ստեղծվում դատարանում, և մենք առաջարկում ենք էդ արհեստական վեճերով դատարանները չծանրաբեռնել»։

Ասեք, որ «արդար» է` հպարտ քաղաքացուն հասնում է։

Բա գիտեք` իզո՞ւր է «գըմփ-գըմփ-հու հեղափոխություն» արել։ Արե՛լ է, որ իր նախարարը, պատգամավորը, մարզպետը, քաղաքապետը լավ ապրեն, դատական դեպարտամենտը «վնասով չաշխատի»` «ողջամիտ փոխհատուցում» ստանան իրենց մատուցած «անգնահատելի» ծառայությունների համար, և օրը մի քանի անգամ պետք է Աստծուն փառք տա, որ Փաշինյանն ու իր կառավարությունը ջանք ու եռանդ չեն խնայում դրա համար։

«Հեղափոխություն» է արել որ անհարկի չչարաշահի իր սահմանադրական իրավունքները, ամեն փուչ բանի համար դատարան չդիմի, չծանրաբեռնի դատական համակարգը «արհեստական» իրավական վեճերով։

Դատարան դիմելը թթու թան չի, ամեն մարդու բան չի։ Փող ունես` ձեռքդ քարի տակ չի, խնդրեմ` ազատորեն օգտվի՛ դատարանի «թանկարժեք ծառայություններից», չունես` հանգի՛ստ նստի տեղդ, զուր տեղը մի «ցցվի»։ Բավարարվի նրանով, որ քո ընտրյալներն ու ընտրյալների ընտրյալները լիուլի չարաշահում են անհաճո լրատվամիջոցներին, ընդդիմախոսներին դատի տալու և իրենց «թանկագին արժանապատվությունը» վիրավորելու համար դրամական փոխհատուցում պահանջելու հնարավորությունը...

Լիլիթ Պողոսյանի ֆեյսբուքյան էջից

● Այս խորագրի վերջին նյութերը

Ալեքսանդրապոլցիներին 19-րդ դարում տրվեց դեմոկրատական ճանապարհով քաղաքագլուխ ընտրելու հնարավորություն

28.11.2024 ● 22:12

Ցարական իշխանությունների կողմից ալեքսանդրապոլցիներին իրենց քաղաքի կյանքը տնօրինելու ընձեռնված իրավունքը խիստ կարևոր որոշում էր քաղաքի հետագա զարգացման համար։

Իշխանության զավթում Գյումրիում

28.11.2024 ● 12:19

Գյումրիի ավագանու շուրջ ընթացող զարգացումներն ունեն շրջադարձային նշանակություն. Հայաստանում իշխանության զավթում է տեղի ունենում, որը կփորձեն տարածել նաև մյուս համայնքների վրա։

Տրանսպորտի թանկացման դեմ ստորագրահավաքին միանում են բոլորը

28.11.2024 ● 10:03

Քաղաքային իշխանությունը ձախողել է կառավարումն ու սեփական բարեկեցության խնդիրն է լուծում։

Հիմա՞ ով է ուտում էդ փողերը․ «Կարճ ասած» (տեսանյութ)

28.11.2024 ● 09:50

Այսօր չկա մի հարկ, չկա մի տուրք, տուգանք, որի մասին գրած լինի ՔՊ-ի ծրագրում, կառավարության ծրագրում, Նիկոլի խոստումների մեծ հատորների մեջ։ Դուք պարզապես խաբել եք մարդկանց։

SMS-ով ԿԱՌԱՎԱՐՎՈՂ ԵՐԿԻՐ կամ ԿԱՏԱՐՅԱԼ ՖԻԱՍԿՈ

27.11.2024 ● 22:28

Կառավարության վերջին նիստում պոպուլիզմի հերթական չափաբաժինն էր տիրաժավորվում։

Փաշինյանի որոշումները՝ Գյումրիի հարցով, չեն անհանգստացնո՞ւմ արևմտյան «դեմոքրասիի» ներկայացուցիչներին

27.11.2024 ● 15:47

Փաշինյանն ուզում է, որ ապագա ՔՊ-ի տեղի ղեկավարը ավտոմատ նշանակվի քաղաքապետի պաշտոնակատար, որպեսզի կարողանա քաղաքային գալիք ընտրություններում օգտագործել վարչական ռեսուրսները իր օգտին: