Մեկ էլ տանտերը, թե բա չիմացար տղա ջան, երկու օր առաջ քո նման «պաշտոնական» տղերք եկան Երևանից ու մեկ միլիոն դրամ տուգանեցին

● Կարծիք

08.09.2020 ● 10:41

Մեկ էլ տանտերը, թե բա չիմացար տղա ջան, երկու օր առաջ քո նման «պաշտոնական» տղերք եկան Երևանից ու մեկ միլիոն դրամ տուգանեցին

Վերջերս Սյունիքի մարզի Ագարակ ավանում էի։ Ագարակի ներսի քարուքանդ փողոցներով ահագին դեգերելուց հետո գտանք գեղեցիկ այգով մի տուն, որտեղ հաց են տալիս։ Այո, ռեստորան չես անվանի, հենց հաց են տալիս։ Թոշակառու ամուսիններ, որոշել են չմնալ ոչ մեկի հույսին, այդ թվում պետության, իրենց տան մի մասում երեք սեղան են դրել ու հաց են տալիս։

Որ ավելի լավ պատկերացնեք, թե դա որտեղ է, ասեմ, որ Երևանից մի 6 ժամվա ճանապարհ է, Իրանի սահմանին։ Ընկա երանության գիրկը. մարդիկ այստեղ ապրում են, ռուսաստաններ գնալու մասին չեն մտածում, արարում են ստեղծում, նրանք են մեր երկրի հիմքը, միսն ու արյունը։

Մեկ էլ տանտերը, թե բա չիմացար տղա ջան, երկու օր առաջ քո նման «պաշտոնական» տղերք եկան Երևանից ու մեզ մի միլիոն դրամ տուգանեցին։ Պարզվում է՝ մարդիկ սահմանված կարգով դիմել են ՊԵԿ-ի հետ համագործակցող ընկերություններից մեկին, որ ՀԴՄ սարք գնեն, կատարել են նախնական վճարում, բայց ընկերությունն այդպես էլ սահմանված ժամկետում ՀԴՄ սարքը չի մատակարարել, փոխարենը Երևանից եկել են ՊԵԿ աշխատակիցներ ու ՀԴՄ չունենալու պատճառով արձանագրություն են կազմել...

Ախր Երևանից պաշտոնատար որևէ անձ 6 ժամ կարող է մեքենա վարել, հասնել Իրանի սահման միայն մեկ նպատակով` գտնի նման մարդկանց ու նրանց օրինակ մեկ միլիոն դրամ նվիրի միայն նրա համար, որ այդ պայմաններում գոյատևում են, արարում ու ինչ-որ բան ստեղծում։ Մի շաբաթ է մտքիցս դուրս չեն գալիս, ախր ինչ-որ կարևոր բան ոչ միայն չի աշխատում, այլ թարս է աշխատում։

Երվանդ Վարոսյանի ֆեյսբուքյան էջից

● Այս խորագրի վերջին նյութերը

Իշխանության զավթում Գյումրիում

28.11.2024 ● 12:19

Գյումրիի ավագանու շուրջ ընթացող զարգացումներն ունեն շրջադարձային նշանակություն. Հայաստանում իշխանության զավթում է տեղի ունենում, որը կփորձեն տարածել նաև մյուս համայնքների վրա։

Տրանսպորտի թանկացման դեմ ստորագրահավաքին միանում են բոլորը

28.11.2024 ● 10:03

Քաղաքային իշխանությունը ձախողել է կառավարումն ու սեփական բարեկեցության խնդիրն է լուծում։

Հիմա՞ ով է ուտում էդ փողերը․ «Կարճ ասած» (տեսանյութ)

28.11.2024 ● 09:50

Այսօր չկա մի հարկ, չկա մի տուրք, տուգանք, որի մասին գրած լինի ՔՊ-ի ծրագրում, կառավարության ծրագրում, Նիկոլի խոստումների մեծ հատորների մեջ։ Դուք պարզապես խաբել եք մարդկանց։

SMS-ով ԿԱՌԱՎԱՐՎՈՂ ԵՐԿԻՐ կամ ԿԱՏԱՐՅԱԼ ՖԻԱՍԿՈ

27.11.2024 ● 22:28

Կառավարության վերջին նիստում պոպուլիզմի հերթական չափաբաժինն էր տիրաժավորվում։

Փաշինյանի որոշումները՝ Գյումրիի հարցով, չեն անհանգստացնո՞ւմ արևմտյան «դեմոքրասիի» ներկայացուցիչներին

27.11.2024 ● 15:47

Փաշինյանն ուզում է, որ ապագա ՔՊ-ի տեղի ղեկավարը ավտոմատ նշանակվի քաղաքապետի պաշտոնակատար, որպեսզի կարողանա քաղաքային գալիք ընտրություններում օգտագործել վարչական ռեսուրսները իր օգտին: