Ռոբերտ Քոչարյանի պաշտպանները միջնորդեցին անթույլատրելի ճանաչել քննիչ Մուշեղյանի կողմից հավաքած ապացույցները․ դատարանը մերժեց

● Քաղաքական

22.09.2020 ● 17:19

Ռոբերտ Քոչարյանի պաշտպանները միջնորդեցին անթույլատրելի ճանաչել քննիչ Մուշեղյանի կողմից հավաքած ապացույցները․ դատարանը մերժեց

ՀՀ երկրորդ նախագահ Ռոբերտ Քոչարյանի պաշտպան Հովհաննես Խուդոյանն այսօրվա դատական նիստին միջնորդեց նախաքննության ընթացքում քննիչ Հրաչյա Մուշեղյանի կողմից հավաքած ապացույցները ճանաչել անթույլատրելի և հանել դրանք սույն քրեական գործի նյութերից։ Պաշտպանական կողմը գտնում է նաև, որ քննիչ Մուշեղյանը ենթակա է բացարկի և պետք է հեռացվի գործի վարույթից։

Պաշտպանը նշեց, որ նախաքննության ընթացքում քննիչ Մուշեղյանը խախտումներ է թույլ տվել՝ ոտնահարելով և խախտելով գործով անցնող բոլոր մեղադրյալների իրավունքները, իսկ Ռոբերտ Քոչարյանի և նրա ընտանիքի անդամների նկատմամբ թույլ է տվել մի քանի տասնյակ խախտումներ։ Խուդոյանը հիշեցրեց, որ քննիչ Մուշեղյանի որոշմամբ ապօրինի կալանք է դրվել ոչ միայն Ռոբերտ Քոչարյանի, այլև՝ նրա որդիներ՝ Սեդրակ և Լևոն Քոչարյանների գույքի և հաշիվների վրա։ Մուշեղյանի գործողությունների ոչ իրավաչափ լինելը և Ռոբերտ Քոչարյանի իրավունքների խախտումը 2019 թվականին ճանաչել է նաև նույն ինքը դատավոր Աննա Դանիբեկյանը։ Ի թիվս այլ խախտումների՝ փաստաբան Խուդոյանը հիշեցրեց, որ քննիչի որոշմամբ առգրավվել է Քոչարյանի անձնագիրը և հետագայում հրաժարվել է վերադարձնել, ID քարտը, «Սիստեմա» ԲՖԿ-ին վերաբերող փաստաթղթեր։

Պաշտպան Արամ Օրբելյանն ընդգծել է, որ Մուշեղյանը գործել է՝ ակնհայտ խախտելով ՀՀ օրենսդրությունը․ նրա ցանկացած գործողություն եղել է ապօրինի։ Բացի այդ, նա ունակ չի եղել օբյեկտիվորեն կազմակերպել նախաքննական որևէ գործընթանց, քանի որ ի սկզբանե կանխակալ վերաբերմունք ունի Ռոբերտ Քոչարյանի և գործով անցնող մյուս անձանց նկատմամբ։ Գործընկերոջ թվարկած խախտումներից բացի, Օրբելյանը հիշեցրեց նաև հայտնի գաղտնալսման ձայնագրությունները, որտեղ վարչապետը, ՀՔԾ պետը և ԱԱԾ նախկին տնօրենը քննարկում էին Ռոբերտ Քոչարյանի և Յուրի Խաչատուրովի կալանքի հարցը։

Դատախազ Գևորգ Բաղդասարայանն առարկեց, նշելով, որ ներկայացված միջնորդությունը հիմնավոր չէ, դրա հիմքում դրած փաստարկները ընդունելի ու տրամաբանական չեն։ Մեղադրող կողմը խնդրեց առանց քննության թողնել այս միջնորդությունը։

Կողմերի դիրքորոշումները լսելուց հետո դատարանը ոչ բավարար համարեց ներկայացված տվյալները և մերժեց պաշտպանների միջնորդությունը։

● Այս խորագրի վերջին նյութերը

Գյումրին ունի զարգացման հսկայական պոտենցիալ. Անդրանիկ Թևանյան (տեսանյութ)

22.12.2024 ● 13:18

Քաղաքի զարգացման ծրագրի վերաբերյալ Գյումրիում տեղի ունեցավ շատ արդյունավետ մասնագիտական քննարկում։

«Ուղեղլվա․ մաս 8»․ Հույս ունեմ, որ որոշումների արդյունքում ծանր հետևանքներ չեն լինի․ Փաշինյանը՝ 2018-ին (տեսանյութ)

21.12.2024 ● 19:07

Իհարկե՝ հետո Փաշինյանը պետք է նույն տարում գերթանկարժեք չվերթ իրականացներ ԱՄՆ՝ ոչ հայկական չվերթսվ։ Հետո, արդեն, պետական ինքնաթիռը սկսեց ծառայել ընտանիքի անդաներին, ԱԺ նախագահին, ՀՀ նախագահին և ըստ էության, հարկատուների հաշվին պահվող օդանավը մշտապես օդում է։

Գյումրիում տեղի է ունեցել քաղաքի զարգացման ծրագրի քննարկում (լուսանկար)

21.12.2024 ● 17:06

Նախաձեռնողը` Կարեն Սիմոնյանն է։

18+․ Հայհոյանքների շքերթ Փաշինյանի՝ քանդելու մասին գրառման տակ

21.12.2024 ● 16:13

Փաշինյանի գրառումն այս պահին ունի ավելի քան 550 մեկնաբանություն։

Քայլե՞լ ես Փաշինյանի վիրակապի կողքով՝ քեզ բնակարան և «Շեվրոլե». «Ժողովուրդ»

21.12.2024 ● 12:39

Չլիներ թավշյա իշխանափոխությունը` Աջափնյակի թաղապետ Սերոբ Սարգսյանը թերևս առ այսօր աշխատեր որպես բուքմեյքերական կետի մասնագետ։

«Պադավատապետության» մեքենաների կրճատումն ու ՆԳՆ նոր նախարարի` շարժական գույքի գնումները. «Ժողովուրդ»

21.12.2024 ● 12:29

Ներքին գործերի նախարարությունը 3 մեքենա է ձեռք բերել՝ 1 հատի արժեքը 24 մլն դրամ, իսկ ընդհանուր արժեքով՝ 72 մլն դրամ արժողությամբ։

Լեյլա տատիկի թոշակն անգամ չէին տալիս (տեսանյութ)

Գումարը դուրս գրված է, սակայն աշխատանքն արված չէ (տեսանյութ)

Գյումրիում տեղի է ունեցել քաղաքի զարգացման ծրագրի քննարկում (լուսանկար)

● Քաղաքական