15.11.2024 ● 11:58
15.11.2024 ● 11:01
15.11.2024 ● 10:04
15.11.2024 ● 09:26
15.11.2024 ● 08:59
15.11.2024 ● 07:02
15.11.2024 ● 06:54
14.11.2024 ● 15:46
14.11.2024 ● 15:38
14.11.2024 ● 15:01
ՀՀ վարչապետի հետ հանդիպմանը չի քննարվել Ղարաբաղյան հակամարտության գոտի խաղաղապահներ բերելու հարցը. ՌԴ դեսպան
Ղարաբաղյան հակամարտության գոտի խաղաղապահներ բերելու հարցը չի քննարկվել, ՀՀ վարչապետ Նիկոլ Փաշինյանի և դեսպանների հանդիպումից հետո լրագրողներին ասաց ՀՀ-ում ՌԴ դեսպան Սերգեյ Կոպիրկինը։
«Վարչապետի հետ հանդիպմանն այսօր դրա մասին խոսք չի եղել»,-ասաց նա:
ՌԴ դեսպանը նշեց, որ Փաշինյանն իր գնահատականներն է ներկայացրել ընթացող իրադարձությունների վերաբերյալ, երախտագիտություն հայտնել ԵԱՀԿ Մինսկի խմբի համանախագահներին, Ռուսաստանի նախագահին՝ կրակը դադարեցնելու ուղղությամբ գործադրվող ջանքերի համար:
«Ռուսաստանն անում է ամեն ինչ, որ հրադադարի ռեժիմը գործի: Անձամբ ՌԴ նախագահ Վլադիմիր Պուտինի և ռուս դիվանագետների կողմից ակտիվ ջանքեր են գործադրվում բախումները դադարեցնելու ուղղությամբ։ Մենք կապի մեջ ենք բոլոր կողմերի հետ»,-ասաց Կոպիրկինը։
Դեսպանի խոսքով՝ Ռուսաստանի դիրքորոշումն այն է, որ անհրաժեշտ է դադարեցնել ռազմական գործողությունները, վերադառնալ բանակցային սեղան ու առարկայական բանակցություններ վարել ԵԱՀԿ Մինսկի խմբի հովանու ներքո:
Աղբյուրը՝ aysor.am