Ոստիկանության կողմից խաղաղ ցուցարարների նկատմամբ կիրառվող ֆիզիկական ուժն ապօրինի է և ուղղակիորեն ուղղորդված երկրի քաղաքական իշխանությունների կողմից (լուսանկար)

● Կարծիք

02.12.2020 ● 09:38

Ոստիկանության կողմից խաղաղ ցուցարարների նկատմամբ կիրառվող ֆիզիկական ուժն ապօրինի է և ուղղակիորեն ուղղորդված երկրի քաղաքական իշխանությունների կողմից (լուսանկար)

Ահազանգ

Ոստիկանության կողմից խաղաղ ցուցարարների նկատմամբ կիրառվող ֆիզիկական ուժն ակնհայտ անհամաչափ և ապօրինի է։

Այսպես, «Ոստիկանության մասին» օրենքի 29-րդ հոդվածի համաձայն՝ ոստիկանության ծառայողը ֆիզիկական ուժ գործադրելուց առաջ պարտավոր է ՆԱԽԱԶԳՈՒՇԱՑՆԵԼ այն գործադրելու մասին՝ բավարար ժամանակ տրամադրելով օրինական պահանջները կատարելու և իրավախախտումը դադարեցնելու համար։

Այսինքն, նույնիսկ, եթե երիտասարդների, որոնց թվում մեծաթիվ էին առաջնագիծ մեկնած դաշնակցական կամավորականները, գործողությունները խախտում էին որևէ օրենքի պահանջ, ապա ոստիկաններն իրավասու չէին որևէ ուժ կիրառել, քանի դեռ ՝

1) հանրահավաքի մասնակիցներին չէր տրվել նախազգուշացում,

2) չէր տրվել բավարար ժամանակ ոստիկանության պահանջները կատարելու համար։

Եվ, եթե, նշված գործողություններից որևէ մեկը նախապես չի կատարվում, ապա ոստիկանության բոլոր հետագա գործողություններն ապօրինի են։

Ոստիկանության այսօրվա գործողություններին հետևելիս ակնհայտ էր, որ վերոնշյալ պահանջները որևէ կերպ չեն պահպանվել։

Ավելին, ոստիկանության կողմից կիրառված գործողությունները նաև ակնհայտ անհամաչափ էին։

«Ոստիկանության մասին» օրենքի 3-րդ հոդվածի համաձայն՝ ոստիկանության հարկադրական բնույթի լիազորությունների իրականացումը պետք է ուղղված լինեն Սահմանադրությամբ և օրենքներով հետապնդվող նպատակներին, իսկ դրանց հասնելու միջոցները պետք է լինեն պիտանի, անհրաժեշտ և չափավոր:

Համաչափության սկզբունքի չափավորության տարրը ենթադրում է, որ կոնկրետ գործողությունը, ներառյալ՝ ուժի կիրառման ձևը, չի կարող կատարվել, քանի դեռ այդ նպատակին հնարավոր է հասնել ավելի մեղմ միջոցով։

Նշված կանոնը կիրառելով՝ ոստիկանության այսօրվա գործողությունների նկատմամբ՝ ակնհայտ է, որ ոստիկանության գործողություններն առերևույթ անհամաչափ էին, քանի որ ճանապարհային երթևեկությունը կարող էր վերականգնվել առանց նման ուժի կիրառման։

Բացի այդ, անթույլատրելի է այն հանգամանքը, որ երկուսուկես տարի առաջ ոստիկանությունը նույնանման բողոքի գործողություններին չէր խոչընդոտում։

Հետեւաբար՝ ոստիկանության գործողություններն ուղղակիորեն ուղղորդված են երկրի քաղաքական իշխանությունների կողմից։

Ամփոփելով վերոշադրյալը՝ ցանկանում եմ համոզմունք արտահայտել, որ առաջիկա օրերին ոստիկանության գործելաոճում կլինեն էական փոփոխություններ և վերջինս, այևս, չի կատարի վերոնկարագրյալ կոպիտ խախտումները եւ կգործի օրենսդրությանը համապատասխան։

Թուրքի դիմաց խոնարհվածը Հայաստանի Հանրապետությունում չի կարող կառավարել ու հրահանգավորել։

Գոհար Մելոյանի ֆեյսբուքյան էջից

● Այս խորագրի վերջին նյութերը

Գործող թյուրիմացությունն Արցախը սպանել է, բանակը սպանել է, խորհրդանիշները սպանել է, պատմությունը սպանում է

23.11.2024 ● 11:21

Նման է այն տղային, ով ծնողներին սպանել է և դատավարության ժամանակ խնդրում է իրեն մեղմ դատեն, որովհետև որբ տղա է։

Երևանցիները միանում են տրանսպորտի թանկացման դեմ ստորագրահավաքին

23.11.2024 ● 08:52

Ստորացուցիչ այս տրանսպորտը արդեն 3 անգամ թանկ է լինելու, տրոլեյբուսը` 6 անգամ թանկ, բայց տոնական լույսերի վրա գումար չի խնայվում։

Սա տգիտությունից բացի նաև ստորություն է. Լևոն Քոչարյանը՝ Փաշինյանի հայտարարության մասին

23.11.2024 ● 07:27

1.5 միլիոն հայեր ցեղասպանվել են ու շատերն էլ աքսորվել իրենց տներից, քաղաքներից՝ այնտեղ թողնելով ամեն ինչ՝ ներառյալ մշակութային ժառանգությունը:

Անարժանապատիվ տրանսպորտ և հունվարի 1-ից սպասվող թանկացումներ (տեսանյութ)

22.11.2024 ● 18:27

Քաղաքացիները մի կերպ են տեղավորվում ավտոբուսում։

Ստորագրահավաքը Հյուսիսային պողոտայում շարունակվում է (տեսանյութ)

22.11.2024 ● 15:29

Քաղաքացիները միանում են տրանսպորտի թանկացման դեմ քաղաքացիական նախաձեռնությանը։

Միացի՛ր ստորագրահավաքին, թույլ մի՛ տուր մտնեն գրպանդ․ Սամվել Հակոբյան (տեսանյութ)

22.11.2024 ● 14:35

Արի Բարեկամության մետրո, միացիր ստորագրահավաքին և թույլ մի տուր մտնեն գրպանդ․ Երևանի ավագանու «Մայր Հայաստան» խմբակցության անդամ Սամվել Հակոբյան։

Գործող թյուրիմացությունն Արցախը սպանել է, բանակը սպանել է, խորհրդանիշները սպանել է, պատմությունը սպանում է

Կապիկություն ա կոչվում. բունտ է հասունացնում տրանսպորտի թանկացման որոշումը Երևանում (տեսանյութ)

Երևանի չբարեկարգված և թանկացող տրանսպորտը (տեսանյութ)

● Կարծիք