Մարդասպանի կողքը մի՛ կանգնեք, հանցակից մի՛ դարձեք, հիշատակ մի՛ պղծեք

● Կարծիք

19.12.2020 ● 08:41

Մարդասպանի կողքը մի՛ կանգնեք, հանցակից մի՛ դարձեք, հիշատակ մի՛ պղծեք

ԱՂՈԹՔ, ԽՈՍՏՈՒՄ ու ԽՈՍՏՈՎԱՆՈՒԹՅՈՒՆ

Երթի ընթացում հնչեցին մեծ դավաճանության նահատակների անունները: Ամբողջ ներաշխարհս կրկին տակնուվրա եղավ… Սատանաները ուզում էին, որ այդ նահատակները մնան միայն որպես թիվ` 5000, լոկ վիճակագրություն, որը շատ կրկնելուց սովորում ես… Աստված թույլ չտվեց… Նրանք անուն ունեն, նրանք դեմք ունեն, նրանք երազանք ունեին, նրանք կյանք ունեին, նրանք սիրտ ու սեր ունեին: Նրանք արժանապատվություն ունեին: Նրանց զոհողությունը չի լինելու անիմաստ: Նրանց կյանքն իր երկարության մեջ կարճ էր, բայց լայնության մեջ այնքան երկար, այնքան խորը ու այնքան իմաստալից: Հիշատակն արդարոց, օրհնությամբ եղիցի…

Ուզում եմ մի խոստովանություն անել: Այս ժամանակի ընթացքում ես իրոք հոգնել ու մաշվել եմ ստի, չարիքի ու կեղծիքի դեմ պայքարելուց: Ես հոգնել եմ ատելուց: Հայ մարդուն ատելուց: Ափսոսել եմ, որ դավաճանը ինձ ատել սովորեցրեց: Այս արհավիրքից հետո ամեն ինչ է վերաիմաստավորվել իմ կյանքում: Ատելությունը ևս: Կյանքիս հետագա իմաստը ևս:

Ես ատելու եմ միայն հայրենիքի դավաճաններին ու նրան սատարողներին: Ու դա անելու եմ գիտակցված, հետևողական ու սրբազան պայքարի ճանապարհով: Ես ավելի եմ սիրելու էս մի բուռ հողը ու ամեն ինչ անելու եմ կորցրածը հետ բերելու համար: Ես այդպես եմ ընկալում Եռաբլուրում թաղված, կյանքը հայրենիքին տված տղերքի պատգամը:

Հոմերոսն ասում էր, Աստված միշտ գտնում է մեղավորին: Միշտ: Իրական մեղավորին: Իրական կյանքում:

Եռաբլուրը վիրտուալ չի: Իրական է:

Դավաճանությունը վիրտուալ չի, իրական է:

Զոհերը, վիրավորները, անհետ կորածներն ու գերիները վիրտուալ չեն, իրական են:

Մաս մաս արվող Արցախն ու Հայաստանը վիրտուալ չեն, իրական են:

Լրտեսներն ու գործակալները վիրտուալ չեն, իրական են:

Դավաճանը անուն ունի: Ցեղ ունի:

Տղերք ջան, երեխեք ջան, կներեք մեզ, բայց երբեք չներեք ձեզ դավաճանածներին:

***

Եթե դուք ինքներդ ձեզ համոզում եք, որ դավաճանի կազմակերպած երթին մասնակցելով, դուք նրան չեք սատարում, այլ տղերքի համար եք գնում Եռաբլուր, ապա խնդրում եմ հիշել՝

1. Տղերքի համար կարող էիք գնալ Եռաբլուր այսօր կամ վաղը ավելի ուշ, ցանկացած օր։

2. Միանալով երթին՝ դուք համաձայնվում եք դավաճանի տված 5000 զոհերին, 10000 վիրավորներին, հազարավոր անհետ կորածներին, հարյուրավոր գերիներին, հազարների տուն կորցնելուն, Սյունիքն ու Արցախը հանձնելուն։ Դուք ներում եք նրան։ Դուք ժպտում եք նրան։

3. Մասնակցելով դավաճանի կազմակերպած երթին՝ ալիեւին ու նրա արածներին ասում եք այո,

4. Մասնակցելով երթին՝ դավաճանի ու նրա կնոջ ձեռքերի արյունը քսում եք ձեզ վրա։

Ձեզ աշխատանքից չեն հեռացնելու, քանզի դուք եք իրենց հեռացնելու մեր երկրից ու կյանքից։ Թույլ մի տվեք, որ դրանց դեմքերի կողքը ձերը երեւա։ Դա խարան է, ամոթ ու անարգանք զոհվածների նկատմամբ։ Մարդասպանի կողքը մի՜ կանգնեք։ Հանցակից մի՜ դարձեք։ Հիշատակ մի՜ պղծեք։

Հ.Գ. Եթե օլիգարխները, ասֆալտ փռողները սպառնում են ձեզ աշխատանքից հեռացնել, մի՜ մտածեք։ Ողջ փաստաբանական համայնքը կանգնած է ձեր կողքին։ Փրկեք ձեր դեմքը, մենք կփրկենք ձեր աշխատանքը։ Օրերի հարց է սրա գնալը։

Հ.Գ.2 Նայեք սորոսական կենդանիները ինչպես են հումորներ անում մարդկանց տուն կորցնելու վրա ու պատասխան տվեք ձեզ՝ դրանց կողքն եք կանգնելո՞ւ:(սքրինները՝ մեկնաբանությունում)

Արփինե Հովհաննիսյանի ֆեյսբուքյան էջից

● Այս խորագրի վերջին նյութերը

Գյումրեցիները կուլ կգնա՞ն Փաշինյանին

27.11.2024 ● 13:57

Դա բացառապես իրենց «թայֆայի» գործն է», ի՞նչ կապ ունեն Գյումրիի մյուս բնակիչները, ովքեր ոչ միայն ՔՊ անդամ չեն, այլև մերժում են ՔՊ-ն:

Իր իսկ պարտավորություններում թերացող քաղաքային իշխանությունը տնտեսվարողների պարտավորությունների մասին է հիշում միայն (տեսանյութ)

27.11.2024 ● 13:34

Ամնեզիայով տառապող ասեք-կանենքները չեն հիշում, որ նախ պարտավոր են որակյալ ասֆալտ անել, իսկ հետո էլ վերահսկել, որ նոր արված ասֆալտը չքանդվի ու հսկայական փոսեր չգոյանան։

ՔՊ-ն վախենում է Գյումրիում գնալ ընտրությունների, դրա համար պսևդո ընտրություններ է կազմակերպում

27.11.2024 ● 10:16

Գաղափարական առումով ՔՊ-ն սնանկ է, կազմակերպչական առումով՝ իմպոտենտ։

Նիկոլը վախենում է Գյումրիում ընտրությունների գնալ՝ համոզված լինելով, որ խայտառակ պարտվելու է

27.11.2024 ● 08:46

Գյումրիում ՔՊ-ի հաղթանակի համար կա՛մ պետք է ընտրությունների ժամանակ այլանդակ կեղծիքների գնան, կա՛մ դիմեն շամանների օգնությանը։

Անձրևի ժամանակ ասֆալտ ա, որ լցնում են ջուրը․ բյուջեն մսխելն է՞լ ոնց պետք է լինի (տեսանյութ)

27.11.2024 ● 07:58

Երևան քաղաքի 9%-ոց «իշխանության» հերթական գլուխգործոցը։ Քաղաքի բյուջեն ոչ մեկի հոր դուքանը չի՛, որ ով ոնց ուզի, աջ ու ձախ վատնի։

Պայքարի ուղի՞ն, թե՞ համագործակցության ծուղակը. ազգային ընտրության առաջ

26.11.2024 ● 19:18

Դիմադրությունը որպես միակ իրական այլընտրանք։

ՔՊ-ական պատգամավոր Գուրգեն (Գագիկ) Մելքոնյանն արցախցիների դեմ ատելություն է քարոզել և պետք է քրեական պատասխանատվության ենթարկվի

Հայկ Մարությանը միացել է Անդրանիկ Թևանյանի նախաձեռնած ստարագրահավաքին, իսկ Սոնա Աղեկյանը՝ Հայկ Մարությանի նախաձեռնած ստորագրահավաքին

Ավինյանի կողմից քաղաքապետի լիազորությունները ստանձնելու իրավաչափությունը վիճարկող «Մայր Հայաստանի» դատական նիստի մասին (տեսանյութ)

● Կարծիք