Քաղաքագետի կարծիքով՝ Փաշինյանը հայ ժողովրդից ավելի է վախենում, քան Ադրբեջանից և Թուրքիայից, նա չի կարող պահանջներ և նախապայմաններ թելադրել, հետևաբար՝ նրան չեն հարգում. «Գերիները մնալու են գերության մեջ, քանի դեռ կառավարությունը չի փոխվել։ Պետք է Ադրբեջանի առջև վերջնագիր դնել. եթե գերիներին մեկ շաբաթում չվերադարձնեք, մենք կմտնենք կառավարություն և նրան կհեռացնենք։ Նա Ադրբեջանի համար Հայաստանի լավագույն ղեկավարն է և ամենաձեռնտու բանակցողը, միգուցե Փաշինյանին պահելու գնով Ադրբեջանը համաձայնի վերադարձնել մեր գերիներին»:

Ստեփան Դանիելյանի պնդմամբ՝ հիմնավոր կասկածներ կան, որ Նիկոլ Փաշինյանը դավադիր ծրագրի մասնակից է, քանի որ պատերազմի ավարտից ամիսներ անց էլ չի հեռանում պաշտոնից. «ԱԱԾ տնօրենի նախկին ժ/պ-ն ասում է, որ Փաշինյանը պատերազմը դադարեցնելու ռուսական առաջարկի մասին տեղյակ չի պահել Անվտանգության խորհրդի անդամներին։ Փաստորեն՝ նա գիտակցված, միանձնյա քայլ է արել, պատերազմի դադարեցման մասին առաջարկը համաձայնեցված էր Ադրբեջանի հետ, բայց նա այդ մասին տեղյակ չի պահել։ Այս հարցի պատասխանը նա չի ուզում տալ, հետևաբար՝ ինքնակամ չի հանձնելու իշխանությունը։ Կասկած կա, որ Հայաստանի պետության հանդեպ դավադրություն է տեղի ունեցել»:

Քաղաքագետի պնդմամբ՝ իշխանությունը չունի ո՛չ հանրության վստահությունը, ո՛չ օտար երկրների հարգանքը, հետևաբար՝ Հայաստանի ինքնիշխանությունը վտանգված է: «Որքան Փաշինյանը մնաց իշխանության, այնքան մեր ինքնիշխանությունը նվազելու է։ Պետք է հռչակվի այլընտրանքային կառավարության կազմ, Հայաստանում պետք է հաստատվի երկիշխանություն, հանրությունը պետք է տեսնի, որ կա աշխատող կառավարություն, որը լուծումներ է տեսնում»,-ամփոփել է Ստեփան Դանիելյանը:

Աղբյուրը՝ tert.am