Փաստացի պատերազմը շարունակվում է, այս անգամ՝ առանց հայկական դիմադրության

● Կարծիք

09.02.2021 ● 10:33

Փաստացի պատերազմը շարունակվում է, այս անգամ՝ առանց հայկական դիմադրության

Խայտառակ կապիտուլյացիայի արդյունքում առաջացած լրջագույն սպառնալիքների շարքում՝ Հայաստանի պետականության վերացում, անմիջական անվտանգային մարտահրավերներ, տնտեսական կոլապս, տարածքային կորուստներ և այլն, կխոսեմ մեկի՝ Արցախի կարգավիճակի խնդրի մասին։

Ինչպես հայտնի է, Արցախի կարգավիճակի հարցը ներառված չէր նոյեմբերի 9-ի հայտարարության մեջ, թեպետ հենց սա է Արցախյան շարժման և պայքարի արմատը ու վերջնական լուծման կարոտ հիմնական խնդիրը։

Միջազգային հանրության կողմից քաղաքական մակարդակում ներկայումս առաջ է մղվում Արցախի կարգավիճակի հարցի «ժամանակավոր սառեցման» գաղափարը։

44-օրյա պատերազմի արդյունքում Արցախյան հարցը սառեցված հակամարտությունից վերածվում է սառեցված կարգավիճակի։

Սակայն այս սառեցումը փաստացի թվացյալ է։

Իրականում, օգտվելով Հայաստանում գահին դեռևս թառած թրքաբարո դուրսպրծուկների գոյությունից, Ադրբեջանը քայլ առ քայլ, սողացող կերպով իր օգտին է լուծում Արցախի կարգավիճակի հարցը։

Բացառապես այս տրամաբանության մեջ են վերջին զարգացումները, կապված Արցախի Պաշտպանության բանակի ապագայի, Հայաստանից պաշտոնական այցերի կամ Արցախ օտարերկրացիների այցելության նոր կարգի հետ։

Ադրբեջանին հաջողվում է շերտ առ շերտ զատել Արցախի սուբյեկտայնության վերջին բաղադրիչները։

Արցախի տարածքային հսկայական կորուստներից պատերազմից հետո սկիզբ են առել Արցախի ֆունկցիոնալ կորուստները։

Հայաստան-Ռուսաստան-Ադրբեջան եռանկյան մեջ վիժվածքի և իր ոհմակի գոյության հետևանքով Հայաստանի անկյունը ձգտում է 0 աստիճանի։

Փաստացի պատերազմը շարունակվում է, այս անգամ՝ առանց հայկական դիմադրության։

Քանզի դավաճան սրիկան մեր ժողովրդի դեմ երկրի ներսում երկրորդ ֆրոնտ է բացել, որ մենք չկարողանանք կենտրոնանալ դրսի ճակատի վրա։

Մինչև ե՞րբ ենք հանդուրժելու այս ներքին թուրքերին։ Չէ՞ որ այս տեմպերով ներքին և արտաքին թուրքերը շատ շուտով կհանդիպեն, օրինակ, Հանրապետության հրապարակում։

Արմեն Աշոտյանի ֆեյսբուքյան էջից

● Այս խորագրի վերջին նյութերը

Պայքարի ուղի՞ն, թե՞ համագործակցության ծուղակը. ազգային ընտրության առաջ

26.11.2024 ● 19:18

Դիմադրությունը որպես միակ իրական այլընտրանք։

Փաշինյանի հենարանը ոչ թե ՀՀ քաղաքացիներն են, այլ Ալիևը. արդեն պաշտոնապես (տեսանյութ)

26.11.2024 ● 13:25

ՀՀ-ից չեզոք երկիր ստանալու համար են անհրաժեշտ սահմանադրական փոփոխությունները։

Հերթական ամանորյա «նվերը» Երևանի 9%-ոց իշխանությունից

26.11.2024 ● 12:41

Երևանի կառավարումը՝ բոլոր ուղղություններով ձախողած ուժի հեռանալուն այլընտրանք չկա՛։

ՔՊԿ-ական իշխանությունը միայն թանկացումներ է բերում

26.11.2024 ● 11:02

Տրասնպորտի թանկացման դեմ ստորագրահավաքին միանում են անխտիր բոլորը։

Երկակի ստանդարտներով շարժվելն անընդունելի է

25.11.2024 ● 21:16

Տարիներ առաջ, երբ քաղաքային իշխանությունը ցանկանում էր տրանսպորտը թանկացնել 50 դրամով, շոու բիզնեսի ու տարբեր «դեմքեր» իրար հերթ չտալով դեմ էին արտահայտվում ու շուրջօրյա ակցիաներ անում։