Ս.թ. նոյեմբերի 17-ին Երեւանում տեղի ունեցան Հայաստանի եւ Ճապոնիայի արտգործնախարարությունների միջեւ քաղաքական խորհրդատվություններ:

Հայկական կողմից պատվիրակությունը գլխավորում էր  ՀՀ արտգործնախարարի տեղակալ Սերգեյ Մանասարյանը,   ճապոնական կողմից' Ճապոնիայի արտաքին գործերի նախարարության Կովկասի հարցերով հատուկ ներկայացուցիչ Մասարու Վատանաբեն:

Խորհրդատվությունների ընթացքում կողմերը քննարկեցին երկկողմ հարաբերություներին առնչվող հարցերի լայն շրջանակ. իրավապայմանագրային դաշտի զարգացման, միջազգային կազմակերպություններում համագործակցության, տնտեսական համագործակցության,  առեւտրատնտեսական կապերի խրախուսման, մշակութային կապերի ակտիվացման վերաբերյալ հարցեր:

Անդրադարձ կատարվեց նաեւ տարածաշրջանային խնդիրներին: Ճապոնացի դիվանագետների խնդրանքով ներկայացվեցին արցախյան հակամարտության կարգավորման գործընթացի վերջին զարգացումները: Ճապոնական կողմը հայտնեց իր աջակցությունը ԵԱՀԿ Մինսկի խմբի շրջանակներում ընթացող Լեռնային Ղարաբաղի հակամարտության կարգավորման բանակցային գործընթացին:                                                                                                                                                                                                                                                                                                                                                                                                                                                                                                                                                                                                                                                                                                        Խորհրդատվությունների ավարտից հետո Ճապոնիայի պատվիրակության ղեկավարը ԱԳՆ դիվանագիտական դպրոցում  հանդես եկավ  «Արեւելյան Ասիան եւ Ճապոնիան» թեմայով դասախոսությամբ: