«Առավոտ» օրաթերթին (14.04.09)  տված հարցազրույցում ՀԱԿ ցուցակով Երևանի ավագանու թեկնածու Գուրգեն Եղիազարյանը մասնավորապես ասել է. «Երբ ես ուզում եմ տեղեկանալ իշխանությունների ցանկությունների մասին, լսում եմ Տիգրան Կարապետյանին: Ընդ որում, հետաքրքիր է, որ նա ուզում է հաղթել ընտրություններում՝  65 հոգանոց ավագանու համար ներկայացնելով ընդամենը 20 հոգանոց ցուցակ»։  Պարզաբանումերի համար դիմեցինք «Ժողովրդական Կուսակցության» նախագահ Տիգրան Կարապետյանին։ 

Ստորև ներկայացնում ենք նրա մեկնաբանությունը.

«Այդ ո՞նց է ստացվում, որ մարտի 1-ի մասին ոչինչ չիմացան, իրենց մյուս բախումների մասին ոչինչ չիմացան...Այսինքն, դա մտածելու տեղիք է տալիս, որ իրենք իշխանությունների հետ բանակցում են։ Եթե չեն բանակցում՝ ինչու՞  են ասում, որ իրենք վճռական չեն։ Ինչ վերաբերում է 20 հոգանոց ցուցակին. դա շատ լավ ցուցակ է։ Այն նշանակում է, որ Կարապետյանը ոչ մեկին չի քցի։ Իսկ ո՞նց եք դուք պատկերացնում այն, որ ցուցակի հարցում ՀԱԿ-ի ներսում արդեն խլրտումներ են գնում և մարդիկ դուրս  են գալիս ցուցակից։ Որովհետև չեն հավատում, որ կունենան ապագա։ Իրենք թող իրենց մասին մտածեն։ 10 տարվա ընթացքում Կարապետյանը, ի տարբերություն իրենց,  ցույց է տվել, որ սկզբունքային է, երբևէ չի վաճառվի և չի փոխի իր կարծիքը»։