Հանդիպման ընթացքում ԱԺ նախագահը վերահաստատել է ԵԱՀԿ շրջանակներում ստանձնված բոլոր հանձնառությունները՝ անվտանգության բոլոր հարթություններում: Նա բարձր է գնահատել այդ հանձնառությունների կատարման գործում ԵԱՀԿ Երևանի գրասենյակի և այլ գործադիր կառույցների ներդրումը: Հովիկ Աբրահամյանն ընդգծել է, որ այդ կառույցները պետք է շարունակեն ուշադիր հետևել և արձագանքել Հայաստանի իշխանությունների և քաղաքացիական հասարակության կարիքներին:

Խորհրդարանի նախագահն, անդրադառնալով ՀՀ ԱԺ և ԵԱՀԿ Երեւանի գրասենյակի միջեւ ստորագրվող Համագործակցության հուշագրին, այն գնահատել է որպես հաջող համագործակցության ևս մեկ օրինակ, որը թույլ է տալու հզորացնել խորհրդարանի կարողությունները:

Զրույցից հետո, ԱԺ նախագահ Հովիկ Աբրահամյանի ներկայությամբ Ազգային ժողովի Ոսկեզօծ դահլիճում ԱԺ աշխատակազմի ղեկավար Գեղամ Ղարիբջանյանը և ԵԱՀԿ Երևանի գրասենյակի ղեկավար դեսպան Սերգեյ Կապինոսը ստորագրել են Համագործակցության հուշագիր: