«Մեդիամաքս» գործակալությունը հայտնում է, որ «Ռոսօբորոնէքսպորտ» ընկերության հատուկ հանձնարարությունների գծով տնօրեն Նիկոլայ Դիմիդյուկը ռուսական «Военно-промышленный Курьер» պարբերականին տված հարցազրույցում ասել է, որ Մինսկում կայացած Milex-2011 ցուցահանդեսում Հայաստանի ներկայացուցիչները հետաքրքրություն են ցուցաբերել «Սմերչ» համազարկի ռեակտիվ համակարգերի նկատմամբ:

–Հետաքրքիր բանակցություններ են անցկացվել Հայաստանի և Ղազախստանի ներկայացուցիչների հետ, որոնք հետաքրքրված էին «Սմերչով» և սպառազինության արդիականացմամբ,–ասել է Նիկոլայ Դիմիդյուկը:

Ըստ տեղեկությունների՝ Հայաստանի Զինված ուժերն արդեն ունեն այս զինատեսակը:

«Սմերչ» ռեակտիվ համակարգը համազարկով կրակող հզորագույն զինատեսակներից է:

Երեք րոպեի ընթացքում «Սմերչը» կարող է բերվել ամբողջական մարտական պատրաստվածության և մեկ րոպում անհետանալ կրակն արձակելու վայրից: