Այսօր կայացած մամլո ասուլիսի ժամանակ «Ժառանգություն» խորհրդարանական խմբակցության պատգամավոր Զարուհի Փոստանջյանը լրագրողներին հայտնել է, թե չնայած այն հանգամանքին, որ իր եղբայր Տիգրան Փոստանջյանն ազատ է արձակվել, սակայն իր համար գործը դեռևս փակված չէ.

–Անցած ուրբաթ տեղի ունեցած հերթական դատական նիստի ժամանակ ազատ արձակվեց Տիգրան Փոստանջյանը: Այդ մի փուլն անցավ, սակայն չենք կարծում, որ գործը փակվել է: Այն մարդիկ, ովքեր այդ գործի մեղավորն են և որի մեջ են, պետք է պատասխան տան։

Նրա ասել է, թե իրենք բողոքարկելու են՝ հավելելով, որ այժմ երկու դիմում-բողոք կա. մեկը դատախազության դեմ, իսկ մյուսը՝ Աղվան Հովսեփյանի անօրինականությունների դեմ, որը ներկայացրել են ինքն ու Ստեփան Սաֆարյանը։ Երկուսն էլ դատարանի վարույթում են:

Փաստաբան Հայկ Ալումյանն էլ, իր հերթին, նշել է, թե քրեական օրենսգրքի այն հոդվածը, որով Տ. Փոստանջյանը անազատության մեջ էր, գոյություն չուներ։

«Մայիսի 25-ից հունիսի 2-ը Տիգրան Փոստանջյանը մեղադրվում էր մի հոդվածով, որը գոյություն չուներ»–ասել է փաստաբանն ու հավելել, թե ակնհայտ է, որ գործը պատվիրված է եղել։

7or.am