Հայաստանի պաշտպանության նախարարությունը հերքում է ադրբեջանական լրատվամիջոցների տարածած տեղեկությունը, թե, իբր, Քարվաճառի ուղղությամբ տեղակայված ադրբեջանական դիրքերի ուղղությամբ հայկական ստորաբաժանումները կրակ են բացել։ ՊՆ-ից հայտնեցին, որ հայկական ստորաբաժանումները որևէ կրակոց չեն արձակել Քարվաճառի ուղղությամբ տեղակայված ադրբեջանական դիրքերի ուղղությամբ։ Ադրբեջանը հերթական անգամ ապատեղեկատվություն է տարածում։

Նշենք, որ արհեստածին Ադրբեջանի ՊՆ-ն կեղծ տեղեկություններ է տարածել նաեւ Արցախի տարբեր շրջանների հայկական դիրքերից կրակոցներ արձակվելու ուղղությամբ, մինչդեռ հենց իրենք էին նախկին երկու օրերին Նորշեն, Խրամորթ համայնքների ուղղությամբ կրակոցներ արձակում։

Ակներեւ է, որ ադրբեջանցիները կեղծ տեղեկություններով փորձում են «արդարացնել» իրենց սադրանքները ու նախապատրաստում նորերը։