Գվատեմալայի օրենսդիրները մեծացրել են ազատազրկման ժամկետը կանանց համար, որոնք դիմել են հղիության արհեստական ընդհատմանը, հաղորդում է AP-ն:

Գվատեմալայի Կոնգրեսը նաև ընդունել է «Կյանքի ու մահվան մասին» օրենքը, որն արգելում է միասեռական ամուսնությունները:

Նախագահ Ալեխանդրո Ջամաթեին ասել է, որ այդ իրադարձությունը հրավեր է, որպեսզի գվատեմալացիները միավորվեն կյանքերը բեղմնավորումից մինչև բնական մահ պաշտպանելու համար:

Գվատեմալացի կայանք, որոնք դատապարտվել են հղիությունն ընդհատելու համար, այժմ կարող են ազատազրկվել մինչև 10 տարի ժամկետով, իսկ նախկինում պատիժը սահմանվում էր առավելագույնը 3 տարով: Կոնգրեսն ավելի կոշտ պատիժ է սահմանել բժիշկների և այլ անձանց համար, որոնք օգնում են կանանց հղիությունն ընդհատելու հարցում: Հղիության արհեստական ընդհատումը թույլատրվում է, եթե մայրերի կյանքերը վտանգված են:

Օրենսդիրները, որոնք նպաստել են օրենքի ընդունմանը, հայտարարել են, որ այն անհրաժեշտ է, քանի որ հասարակությունում փոքրամասնություններն առաջարկում են մտածողություն և պրակտիկա, որն անհամատեղելի են քրիստոնեական բարոյականության հետ:

Աղբյուրը՝ news.am