Ուկրաինայի բիոլաբորատորիաները միլիոնավոր դոլարներով հովանավորվել են ԱՄՆ պաշտպանության նախարարության կողմից ՝ կենսաբանական զենք մշակելու համար։ Այս մասին իր ֆեյսբուքյան էջում գրել է ՌԴ ԱԳՆ ներկայացուցիչ Մարիա Զախարովան:

«Ուկրաինայում այդ կենսաբանական լաբորատորիաները գտնվում էին Առողջապահության նախարարության ենթակայության տակ։

2016 թվականի ամռանը Բարաք Օբամայի վարչակազմը Ուկրաինա է ուղարկել ԱՄՆ քաղաքացի Ուլյանա Սուպրունին, ով դարձել է Ուկրաինայի առողջապահության նախարար։ Նրա հայրը Ջորջ Հարի Յուրկովն է՝ «North American Controls Inc.»-ի պաշտոնաթող փոխնախագահը: Ընկերությունը մասնագիտացած է պաշտպանական արդյունաբերության կառավարման համակարգերի մշակմամբ:

Ուլյանա Սուպրունի պապը՝ Իվան Յուրկովը 1919 թվականին եղել է անկախ Ուկրաինայի բանակի լեյտենանտ: Կան ապացույցներ, որ Երկրորդ համաշխարհային պատերազմի սկզբին նա մասնակցել է Կարպատներում խորհրդային զորքերի դեմ մարտերին և դիվերսիոն գործողություններին։

Ուլյանա Սուպրունի ամուսինը՝ Մարկո Սուպրունը, պրոպագանդիստ է և պրոդյուսեր Կանադայից։ Ուկրաինայում հայտնի է ծայրահեղ աջական ակտիվիստների հետ իր կապերով»,-գրել է Զախարովան և հավելել, որ սա ընդամենը մեկ օրինակ է, թե «ինչպես է ապառազմականացումը կապված ապաազգայնացման հետ»:

Աղբյուրը՝ tert.am