Մոսկվան և Կիևը պայմանավորվել են Չեռնոբիլի ատոմակայանի համատեղ պահպանության մասին։ ՏԱՍՍ գործակալության հաղորդմամբ՝ այս մասին հայտնել է ՌԴ ԱԳՆ ներկայացուցիչ Մարիա Զախարովան։

Նա մանրամասնել է, որ երկրները համատեղ կվերահսկեն էներգաբլոկների և սարկոֆագի անվտանգությունը։

«Ռուս զինվորականները վերահսկողության տակ են վերցրել Չեռնոբիլի ատոմակայանը այնպես, որ չվնասեն դրա անվտանգությունը: Պայմանավորվածություն է ձեռք բերվել նրա էներգաբլոկների և սարկոֆագի համատեղ անվտանգության վերաբերյալ»,-ասել է նա։

Զախարովան վստահեցրել է, որ ռուսական կողմը մտադիր է շարունակել գործադրել բոլոր ջանքերը Չեռնոբիլի ատոմակայանի անվտանգությունն ապահովելու համար։

Աղբյուրը՝ tert.am