Գիտնականները պարզել են, որ սպիտակ շնաձկները գաղտնի սոցիալական կյանք ունեն։

Հետազոտողների խումբը պարզել է, որ Գուադալուպե կղզու շրջակայքում պարեկություն անելիս նրանցից ոմանք ավելի քան մեկ ժամ միասին են մնում: Խմբերով թափառելու պատճառը կարող է պարզ, բայց վախեցնող լինեն: Ըստ երևույթին, շնաձկները հասկացել են, որ թիմով աշխատելու դեպքում կարող են ավելի մեծ որս սպանել։

Հետազոտողների թիմը, այդ թվում՝ Ֆլորիդայի միջազգային համալսարանի ծովային գիտնական Յանիս Պապաստամատիուն, ասել են, որ ցանկանում է ավելի շատ բան իմանալ սպիտակ շնաձկների մասին, որոնք ամեն տարի հավաքվում են Գուադալուպեի շրջակայքում: Կղզու շրջակայքի ջրերում վխտում են թունաները և փոկերը, ինչը շնաձկների իսկական բուֆետ է դարձնում այն:

Նրանց ուսումնասիրելու համար թիմը «սուպերսոցիալական թեգ» է ստեղծել: Շնաձկների վրա նշան թողնելը նրանց թույլ է տվել հետևել կենդանիներին: Մասնագետները կարողացել են նաև նկարահանել նրանց՝ օգտագործելով տարբեր սենսորներ: Այս սենսորները ցույց են տվել խորությունը, որտեղ գտնվել են շնաձկները, նրանց ուղղությունը և նույնիսկ շրջադարձի արագությունը լողալու ժամանակ: Սակայն, հետախույզի գաղտնի զենքը դարձել է այն սենսորը, որը հայտնաբերել է մոտակա շնաձկներին՝ օգտագործելով նախորդ ուսումնասիրությունների ժամանակ նրանց վրա թողնված նշանները:

Ընդամենը չորս տարվա ընթացքում թիմը նշել է վեց մեծ սպիտակ շնաձկների՝ երեք արու և երեք էգ:

Տվյալներն ուսումնասիրելուց հետո գիտնականները պարզել են, որ որոշ շնաձկներ խմբերով հավաքվում են կղզու շուրջը՝ պարեկություն անելու համար: Շատ փոխազդեցություններ կարճ են եղել, տևել են ոչ ավելի, քան յոթ րոպե: Սակայն որոշ շնաձկներ նախընտրել են միասին մնալ և մեկ ժամից ավելի որս անել։

Սպիտակ շնաձկների գաղտնի սոցիալական կյանքի վերաբերյալ տվյալները հսկայական քայլ են՝ հասկանալու համար, թե ինչպես են ապրում այս ծովային գիշատիչները:

Օրինակ՝ որոշ խոշոր սպիտակ շնաձկներ նախընտրել են ավելի խորը ջրերում որս անել, իսկ մյուսները մնացել են համեմատաբար ծանծաղ ջրերում։ Ավելին, ոմանք նախընտրել են որս անել գիշերը, իսկ մյուսները՝ ցերեկը։

Աղբյուրը՝ news.am