Կիպրոսի Հանրապետության կառավարության բոլոր 11 նախարարները դիմել են երկրի նախագահ Դիմիտրիս Խրիստոֆիասին՝ ներկայացնելով իրենց հրաժարականները։ Այս ամենը տեղի է ունենում իշխող կոալիցիայի փլուզման համապատկերում։

Ենթադրվում է, որ նախարարները կմնան գործառույթն իրականացնողների դերում, մինչև չկայացվի համապատասխան որոշում նոր նախարարների նշանակման մասին։

Իշխող կոալիցիայի մաս կազմող «Ժողովրդավարական կուսակցությունը» հետ է կանչել իր նախարարներին։ Հիմա աջ Խրիստոֆիասի «ԱԿԵԼ» կուսակցությունը և կենտրոնամետ «Ժողովրդավարական կուսակցությունը» պետք է որոշեն՝ հնարավո՞ր է արդյոք կոալիցիայի աշխատանքների շարունակումը։

Հիշեցնենք, որ քաղաքական ճգնաժամը Կիպրոսում սկսվեց հուլիսի 11-ին, երբ ծովային ռազմաբազայում տեղի ունեցավ հզոր պայթյուն, և 13 մարդ զոհվեց։ Վնասն այնքան մեծ էր, որ Կիպրոսի ԿԲ–ի ղեկավար Աթանասիոս Օրֆանիդիսը հայտարարել է, թե Կիպրոսը կարող է միանալ այն երկրներին, որոնք ԵՄ–ի և ԱՄՀ–ի վարկերի կարիքն ունեն։ Կիպրոսում մի քանի օր շարունակ բողոքի ցույցեր էին. ցուցարարները պահանջում էին նախագահի հրաժարականը։ Մինչ այդ հրաժարական էին տվել երկրի պաշտպանության ու արտաքին գործերի նախարարները։