Դիմում եմ մեր հայրենակիցներին, հատկապես մեր այն հայրենակիցներին, ովքեր այս ժամանակահատվածում հուսահատվել են, հիասթափվել, իսկապես դա այս իրավիճակում լուծում չէ, պետք զարթնել, վեր կենալ և դուրս գալ այդ թմբիրից: Ազատության հրապարակում լրագրողների հետ ճեպազրույցում ասաց «Հայաստան» խմբակցության պատգամավոր Արամ Վարդևանյանը:

«Հուսահատվելով, նեղվելով մենք այս իրավիճակից դուրս չենք գալու, իսկապես պետք է համախմբվենք, միասնական լինենք և կհասնենք մեր արդյունքին: Մենք ունենք հստակ գործողությունների ծրագիր, որոնց վերաբերյալ մանրամասներն առաջիկայում կներկայացվի: Ես խնդրում եմ, որ մեր հայրենակիցներն այդ իմաստով փոքր ինչ համբերեն»։

***

Նիկոլ Փաշինյանի թե՛ միջազգային այցերից, թե՛ առհասարակ իր գործողություններից որևէ դրական ակնկալիք չեմ ունեցել, չունեմ, հակառակը՝ ունեմ մշտապես տագնապի զգացում: Ազատության հրապարակում լրագրողների հետ ճեպազրույցում ասաց «Հայաստան» խմբակցության պատգամավոր Արամ Վարդևանյանը:

Ինչ վերաբերում է Փաշինյանի ասածին, թե իրեն ճիշտ չեն հասկացել՝ ոչ Արցախում, ոչ Հայաստանում, Արամ Վարդևանյանն ասաց. «Նիկոլ Փաշինյանը հայտնի է նրանով, որ մի բան է ասում, հետո հակառակը, հետո պնդում է նախորդը, այսինքն սա որպես կանոն պետական քաղաքական գործչի հռետորաբանության անտրամաբանական մասն է, որը մեր պետությանը լավ ճանապարհով չի տանում»:

Աղբյուրը՝ yerevan.today