Խլուրդները, խավարասերները, ովքեր գետնի տակ թափառում են, այսօր խաբում են մեր ժողովրդին, թե մենք տիեզերք ենք թռել, իսկ ո՞վ է այդ տիեզերագնացը, ձեր չկայացած առաջնո՞րդը: Ֆրանսիայի հրապարակում հանրահավաքի ժամանակ ասաց «Սիսական» ջոկատի հրամանատար Աշոտ Մինասյանը:

«Ես կոչ եմ անում բոլորին և ուզում եմ այն ընդունելի լինի այն մարդկանց համար, ովքեր 100-ամյակ շարունակ ծափահարել են իրենց հերոսներին և կոչ եմ անում նրանց, ովքեր այդ հերոսապատումը կերտել են: Հաջորդը՝ իմ ժողովորդի ծոցից դուրս եկած այն բոլոր սպորտսմենները, ովքեր աշխարհի տարբեր հարթակներում կերտել են հաղթանակ և իրենց ուսերին են տարել մեր պետության դրոշը, ես ուզում եմ, որ այսօր, վաղը նրանք լինեն այս հարթակում՝ իրենց դրոշներով հանդերձ: Վաղը, եթե իրենք չեկան, ապա ում դրոշն են բարձրացնելու իրենս ուսերին, Ադրբեջա՞նի, Թուրքիա՞յի, թե՞ Թուրանի:

Որպես աշխարհի առաջին քրիստոնեական ազգ, որպես ջահակիր այսօր Քրիստոսի արձանն ենք տեղակայում ՀՀ-ում, ես հարց եմ ուզում տալ՝ դուք, հարգելի քանդակագործներ, քարագործներ, վաղը ո՞ւմ արձանն եք կառուցելու, Էրդողանի, թե՞ Ալիևի արձանը. ինչո՞ւ այստեղ չեք, ինչո՞ւ ձեր ժողովրդի կողքին չեք:

Խոսքս ուղղում եմ իմ ազգի գրականագետներին, լեզվաբաններին, պատմաբաններին, որոնք այսօր տարբեր կրթօջախներում դասավանդում են լեզու, գրականություն, պատմություն, ինչ պատմության մասին է խոսքը, երբ վաղը ձեզ պարտադրելու են թուրքերեն»:

Աղբյուրը` yerevan.today