Փաշինյանն ԱՄՆ պետքարտուղարի հետ քննարկել է ԼՂ հիմնախնդրի կարգավորումը

● Քաղաքական

26.07.2022 ● 09:15

Փաշինյանն ԱՄՆ պետքարտուղարի հետ քննարկել է ԼՂ հիմնախնդրի կարգավորումը

Նիկոլ Փաշինյանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ:

Զրուցակիցները քննարկել են Հայաստան-ԱՄՆ երկկողմ օրակարգին, ինչպես նաև տարածաշրջանի անվտանգությանն ու կայունությանը վերաբերվող հարցեր:

Քննարկման առարկա են դարձել, մասնավորապես, Հայաստան-Ադրբեջան խաղաղության բանակցություններին, ԼՂ հիմնախնդրի կարգավորմանը, տարածաշրջանային կոմունիկացիաների բացմանը, գերիների վերադարձին, անհետ կորած անձանց ճակատագրի պարզաբանմանը վերաբերող հարցեր:

Պետքարտուղար Բլինքենն ԱՄՆ պատրաստակամությունն է հայտնել որպես ԵԱՀԿ ՄԽ համանախագահող աջակցելու նշված բոլոր հարցերի լուծումներին:

Փաշինյանի աշխատակազմից տեղեկացնում են, որ նա վերահաստատել է խաղաղության օրակարգին իր նվիրվածությունը և ընդգծել, որ Հայաստանի հանրությունն աջակցում է այդ ուղեգիծը:

Զրուցակիցները քննարկել են նաև Հայաստան-Թուրքիա հարաբերություններում տեղի ունեցող գործընթացները: Պետքարտուղարը ողջունել է Հայաստանի վարչապետի և Թուրքիայի նախագահի ս/թ հուլիսի 11-ին տեղի ունեցած հեռախոսազրույցը և ԱՄՆ պատրաստակամությունն արտահայտել աջակցելու երկու երկրների հարաբերությունների կարգավորմանը:

Կողմերը գոհունակություն են հայտնել Հայաստան-ԱՄՆ բարձր մակարդակի շփումների առիթով և պայմանավորվել շարունակել երկխոսությունը:

● Այս խորագրի վերջին նյութերը

«Ուղեղլվա․ մաս 8»․ Հույս ունեմ, որ որոշումների արդյունքում ծանր հետևանքներ չեն լինի․ Փաշինյանը՝ 2018-ին (տեսանյութ)

21.12.2024 ● 19:07

Իհարկե՝ հետո Փաշինյանը պետք է նույն տարում գերթանկարժեք չվերթ իրականացներ ԱՄՆ՝ ոչ հայկական չվերթսվ։ Հետո, արդեն, պետական ինքնաթիռը սկսեց ծառայել ընտանիքի անդաներին, ԱԺ նախագահին, ՀՀ նախագահին և ըստ էության, հարկատուների հաշվին պահվող օդանավը մշտապես օդում է։