Վերջին շրջանում համացանցում անդադար  քննարկվում են «Արմենիա» հեռուստաընկերության «Ո՞ւր է իմ տղամարդը» սերիալի  դերասանուհի Անժելա Սարգսյանի մերկ և «չափազանց անկեղծ» լուսանկարները, որոնք համացանցում տեղադրել էր նախկինում դատապարտված Կարեն Արայանը, որը «գողական» աշխարհի ներկայացուցիչ է։

«7օր»–ը Հայաստանի  հանրային հեռուստառադիոընկերության խորհրդի նախագահ Ալեքսան Հարությունյանից հարցրել է՝ արդյոք ճի՞շտ է խառնվել մարդու (այդ թվում՝ դերասանի) անձնական կյանքին, և ընդհանրապես ի՞նչ կարծիքի է Անժելա Սարգսյանի հետ  կապված միջադեպի մասին։

Նա նախ հայտարարել է, թե անընդունելի է մարդու անձնական կյանքը փորփրելն ու նման բաներ հրապարակելը։

–Նախ՝ ես ոչ  միայն վատ եմ վերաբերվում նրան, որ այդ լուսանկարները տարածել են, այլ նաև նրան, որ  այդքան աղմուկ  է բարձրացվել  այս հարցի շուրջ։ Բացի այդ, ես պարզապես չեմ կարողանում հասկանալ այն տղային, որը տարածել է այդ լուսանկարները։ Ինչպե՞ս կարող է տղամարդը  նման  բան թույլ տալ իրեն։ Իմ կարծիքով շատ վատ  երևույթ է այս ամբողջը,–ասել  է Ալեքսան Հարությունյանը։

7or.am