Կրակոցներ՝ Էջմիածնում. կա 1 զոհ, 1 վիրավոր

● Լրահոս

19.08.2022 ● 07:36

Կրակոցներ՝ Էջմիածնում. կա 1 զոհ, 1 վիրավոր

Էջմիածնում կրակոցներ են հնչել։ Մեկ մարդ մահացել է, մեկ անձ էլ վիրավոր է։ Տեղեկությունը հայտնում է Shamshyan.com–ը` հավելելով, որ ոստիկանության Վաղարշապատի բաժին և ԱԻՆ փրկարար ծառայության 911 ճգնաժամային կառավարման կենտրոն ահազանգը ստացվել է ժամը 21:40-ի սահմաններում։

Տեղեկացրել են, որ Էջմիածին քաղաքի Գնունյանց փողոցում ավտոմեքենաներ են բախվել: Նշված վայրից 2 հոգի հրազենային վնասվածքներով տեղափոխվել են «Վաղարշապատ» բժշկական կենտրոն։

Դեպքի վայր մեկնած ոստիկանները հայտնաբերել են մի քանի ավտոմեքենաներ, այդ թվում՝ «յաշիկ», որի վրա առկա են կրակոցի բազմաթիվ հետքեր: Վաղարշապատի ոստիկանները տեղեկություններ են ստացել, որ «յաշիկի» վրա կրակոցներ են արձակել Էջմիածին քաղաքի Աբովյան փողոցում, ու մեքենայի վարորդը վիրավոր վիճակում այն վարել է դեպի հիվանդանոց, որտեղ էլ տեղի է ունեցել վթարը:

Կարճ ժամանակ անց հիվանդանոցից ահազանգ է ստացվել, որ վիրավորներից մեկը, գիտակցության չգալով, մահացել է: Փաստի առթիվ քննչական բաժնում նախաձեռնվել է քրեական վարույթ: Ոստիկանությունն ու քննչական բաժինը պարզում են դեպքի հանգամանքները: Ձեռնարկվում են անհրաժեշտ գործողություններ՝ հանցագործությունը կատարած անձին կամ անձանց հայտնաբերելու ուղղությամբ:

Դեպքի վայրում հայտնաբերվել է նաև «Մակարով» տեսակի ատրճանակ, իսկ ավտոմեքենայի մեջ՝ արնանման հետքեր: Ոստիկանությունն ու քննչական բաժինը պարզում են նաև մահացածի, վիրավորի և վթարված ավտոմեքենաների վարորդների ինքնությունը:

Գ. Շամշյանի տեղեկություններով՝ սպանվածի հայրը ոստիկանության նախկին աշխատակից է եղել:

● Այս խորագրի վերջին նյութերը

ՔՊ-ական Կարեն Սարուխանյանի թմրանյութի թեստը դրական է. ինչ է սպասվում Գյումրիում. «Ժողովուրդ»

20.11.2024 ● 08:49

Արյան մեջ եղել է թմրանյութի առկայություն։

Այսօր մանուկների համաշխարհային օրն է

20.11.2024 ● 08:38

1954թ. դեկտեմբերին այն հռչակվել է ՄԱԿ-ի գլխավոր վեհաժողովի ընդունած բանաձևով։ Այն նշում է աշխարհի 193 երկիր։

Արփինե Սարգսյանը կնշանակվի ներքին գործերի նախարար

20.11.2024 ● 08:05

Այս մասին ֆեյսբուքյան իր էջում գրել է Նիկոլ Փաշինյանը։

Վավերագրող Հովհաննես Իշխանյանը կոչ է անում միանալ «Մայր Հայաստանի» նախաձեռնությանը և դեմ արտահայտվել տրանսպորտի թանկացմանը (տեսանյութ)

19.11.2024 ● 20:58

Վավերագրական ֆիլմերի ռեժիսոր Հովհաննես Իշխանյանը կոչ է անում միանալ «Մայր Հայաստանի» նախաձեռնությանը և դեմ արտահայտվել տրանսպորտի թանկացմանը։

Վարդաշեն թաղամասի 4-րդ կարգի վթարային շենքերի բնակիչների և Կուրղինյան փողոցի բնակիչ Վալյա Սարգսյանի ահազանգի մասին (տեսանյութ)

19.11.2024 ● 20:20

Արմեն Քոչարյանն ավագանու նիստում անդրադարձել է Վարդաշեն թաղամասի 4-րդ կարգի վթարային շենքերի բնակիչների և Կուրղինյան փողոցի բնակիչ Վալյա Սարգսյանի ահազանգերին։