«Նախարար Ջեյհուն Բայրամովը վկայակոչել է 2022 թվականի օգոստոսի 31-ին Բրյուսելում Ադրբեջանի Հանրապետության նախագահ Իլհամ Ալիեւի, Եվրոպական Միության խորհրդի նախագահ Շառլ Միշելի եւ Հայաստանի Հանրապետության վարչապետ Նիկոլ Փաշինյանի հանդիպումը, որի արդյունքներով արտգործնախարարներին հանձնարարվել է պատրաստել խաղաղության պայմանագրի նախագծի տեքստերը, եւ հայտարարել է, որ Ադրբեջանը պատրաստ է դրան։

Նախարարը նաեւ հակառակ կողմի ուշադրությունը հրավիրել է այն բանի վրա, որ Ադրբեջանը հետեւողական քայլեր է ձեռնարկում խաղաղության օրակարգն առաջ տանելու համար։

Հեռախոսազրույցի ընթացքում մտքերի փոխանակություն է տեղի ունեցել նաեւ երկկողմ համագործակցության օրակարգային հարցերի, ինչպես նաեւ փոխադարձ հետաքրքրություն ներկայացնող այլ թեմաների շուրջ։ Համաձայնություն է արտահայտվել երկկողմ շփումները հետագայում շարունակելու համար»,-ասվում է հաղորդագրության մեջ։

Աղբյուրը՝ news.am